عیراق داوای تەوتین و داهاتی نەوتی و نانەوتی لە هەرێم دەکات

PUKMEDIA

لۆگۆی هەرێمی کوردستان و عیراق و وەزارەتی دارایی عیراق

وەزارەتی دارایی حکومەتی فیدڕاڵ داوا لە هەرێمی کوردستان دەکات، داهاتی نانەوتی و نەوتی و زانیارییەکان لەسەر تەوتینکردنی مووچەی مووچەخۆرانی هەرێم بنێرێت.

بەپێی نوسراوێک کە وەزارەتی دارایی عیراق ئاراستەی نوێنەرایەتی حکومەتی هەرێمی کوردستانی کردووە و کۆپییەکی دەست PUKMEDIA کەوتووە، وەزارەتەکە داوا دەکات" ئاماژە بە  بەنوسراوێكی نوسینگەی سەرۆكوەزیرانی عیراق كە لە 2/2/2025 ئاراستەی وەزارەتی دارایی عیراق كراوە هاتووە،  لەگەڵ لیستی موچەی مانگی شوباتی 2025 و مانگەكانی دیکە داوای بەپەلەی ژمارەی بانكیی فەرمانبەران دەكات بۆ تەوتنین بەپێی ئەو ڕێكارانەی كە دادگای فیدراڵی دیاریكردوە".

 لە نوسراوەکەدا ئاماژە بەوەشکراوە،کە  پێویستە حکومەتی هەرێم داهاتی نانەوتی بۆ مانگی شوبات بنێرێت و  ڕازی نییە بەو 51 ملیار دینارەی كە هەرێمی كوردستان وەك داهاتی ناوخۆ بۆ مانگی یەكی گەڕاندیەوە بۆ دارایی عیراق.  

لە کۆتایشدا، وەزارەتی دارایی عیراق داوای داهاتی نەوتی دەكات،کە پێویستە بخرێتە سەر ئەو هەژمارەی وەزارەتی دارایی عیراق لەبانكی ناوەندی بەژمارە (300900)كردوویەتییەوە.

PUKMEDIA