ئەندامێكی فراكسیۆنی یەكێتی داوای جێبەجێكردنی پڕۆژەی بەنداوی كەلار-بەردەسور دەكات

PUKMEDIA

كاروان یاروەیس بڕیاردەری فراكسیۆنی یەكێتی، ئەندازیار عەون زیاب وەزیری سەرچاوە ئاوییەكانی عیراق

بڕیاردەری فراكسیۆنی یەكێتی لەئەنجومەنی نوێنەران رایدەگەیەنێت: "داوای جێبەجێكردنی پڕۆژەی ستراتیژی بەنداوی كەلار-بەردەسورمان گەیاندووەتە وەزیری سەرچاوە ئاوییەكانی عیراق، بۆ ئەومەبەستەش دەستبەجێ سەنتەری توێژینەوەو پلاندانانی وەزارەت راسپێردرا توێژینەوە لەبارەی پڕۆژەكەوە بكەن".


كاروان یاروەیس بڕیاردەری فراكسیۆنی یەكێتی لەئەنجومەنی نوێنەرانی عیراق بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: "دۆسیەی پڕۆژەی بەنداوی كەلار-بەردەسورمان گەیاندە ئەندازیار عەون زیاب وەزیری سەرچاوە ئاوییەكانی عیراق و داوامان كرد ئەم پڕۆژە ستراتیژییە كە خزمەتی كوردستان و عیراق دەكات جێبەجێ بكرێت".

"لەبەرامبەردا وەزیری سەرچاوە ئاوییەكانی عیراق بەڵێنیدا كەپڕۆژەكە بەگرنگی وەربگرن و دەستبەجێ سەنتەری توێژینەوەو پلاندانانی وەزارەتی راسپارد لەبارەی پڕۆژەكەوە توێژینەوەیەكی ئاڕاستە بكەن" كاروان یاروەیس وادەڵێت.

وتیشی: "وەزیری سەرچاوە ئاوییەكانی عیراق پێی راگەیاندین كەلار لەڕووی ئابوری و سامانی ئاوەوە پێگەیەكی گرنگی هەیەو جێبەجێكردنی بەنداوی كەلار-بەردەسوریش پێگەكەی گرنگتر دەكات".
 

PUKMEDIA