پارەی گەنمی جوتیارانی هەولێر و کۆیە دابەشدەکرێت

PUKMEDIA

گوڵە گەنم

بەڕێوەبەرایەتی بازرگانی و دانەوێڵەی هەولێر جوتياران ئاگادار دەکاتەوە ئەمڕۆ یەکشەممە5ی 1ی 2025  لە سایلۆكانی هەولێر و قوشتەپە، دەست بەدابەشکردنی چەکی پارەی جوتياران دەکرێت لەگەڵ ئەو جوتیارانەی كۆیە كە گەنمەکانیان تەسلیمی گۆڕەپانی کۆیە کردووە و بەوپێیەش 188 جوتیار چەکی بانکی وەردەگرن.
 
بەرێوەبەرایەتی بازرگانی دانەوێڵەی هەولێر، لە ڕاگەیەندراوێكدا سایلۆی هەولێر و جوتياران ئاگادار دکاتەوە، کە لەسەعات 9:00 ی سەرلەبەیانی تا 1:00ی دوانیوەڕۆ چەکی ئەو جوتياران دابەشدەکرێت لە زنجیرە 5211 تا زنجیرە 5300ن و  گەنمەکانیان تەسلیم بە سایلۆی هەولێر کردووە.

هەر لە راگەیەندراوەکەدا هاتووە، هەر ئەمڕۆ دابەشکردنی چەکی پارەی جوتيارانی سنوری کۆیەش  کە گەنمەکانیان  تەسلیم بە  گۆرەپانی کۆیە کردووە لە زنجیرە 1101 تا زنجیرە 1200دەستپێدەکات و دەتوانن لە سايلۆی  قوشتەپە چەکی پارەکانیان وەربگرن.

 هاوکات جوتیاران ئاگادار کراونەتەوە کەدەتوانن پارەكانیان لە بانکی بەحرکە وەربگرن.

PUKMEDIA