نوێنەران کۆدەبێتەوە و سێ پرۆژەیاسا ناکۆکی لەسەرەکەش لە کارنامەدایە

PUKMEDIA

بینای ئەنجومەنی نوێنەرانی عیراق

ئەمڕۆ ئەنجوومەنى نوێنەرانى عیراق کۆدەبێتەوە و بڕیارە دەنگ لەسەر ئەو سێ پرۆژەیاسایە بدرێت کە چەندجارێک دواخراوە و ناکۆکیان لەسەرە بەوهۆیەشەوە پەسەند نەکراون.

بەگوێرەى کارنامەى کۆبوونەوەکە، ئەمڕۆ 1/12/2024 دەنگ لەسەر پرۆژەیاسای هەموارى باری کەسیی ژمارەی 188ـی ساڵی 1959 دەدرێت، کە فراکسیۆنە شیعەکان پشتیوانى دەکەن.

هەروەها پرۆژەیاسای گەڕاندنەوەی موڵک و ماڵ بۆ خاوەنەکانیان، کە فراکسیۆنە کوردستانییەکان پشتیوانى دەکەن، لە کارنامەى دانیشتنەکەی ئەمڕۆی ئەنجومەنی نوێنەران دایە.

 هەرلەکارنامەکەدا  پرۆژەیاسای هەمواری دووەمی یاسای لێبوردنی گشتی هەیە.

پێشتر کاروان یاروەیس ئەندامی ئەنجومەنی نوێنەرانی عیراق لە بارەی ئەم سێ پرۆژەیەوە بە PUKMEDIA ی راگەیاند:" هەرسێ پرۆژەیاساکە خوێندنەوەیان بۆکراوە بەڵام بەهۆی نەبوونی سازان و مشتومڕەوە پەسند نەکراون".

" فراکسیۆنی یەکێتی و فراکسیۆنە کوردستانییەکان پشتیوانی لە پرۆژەیاسای گەڕاندنەوەی موڵک و ماڵ بۆ خاوەنەکانیان دەکەن". یاروەیس وایوت.

هەربەپێی کارنامەکە ئەنجوومەنى نوێنەرانى عیراق، خوێندنەوەی دووەم  بۆ  هەمواری یاسای فڕۆکەوانی شارستانیى و هەمواری یەکەمی یاسای شارە پیشەسازییەکان دەکات.

PUKMEDIA