زانکۆی پۆلەتەکنیکی سلێمانی تەوتین جێبەجێ دەکات

ئاژانسەکان

زانکۆی پۆلەتەکنیکی سلێمانی

زانکۆی پۆلەتەکنیکی سلێمانی رایدەگەیەنێت: "پرۆسەی تەوتینی مووچە لە زانکۆکەمان بۆ سەرجەم مامۆستایان و فەرمانبەران جێبەجێکراوە".

سەرۆکایەتی زانکۆی پۆلەتەکنیکی سلێمانی لە راگەیەندراوێکدا کە کۆپییەکی بۆ وێبسایتی رەسمی یەکێتیی نیشتمانیی کوردستان PUKMEDIA نێردراوە رایگەیاندوە: " ئاگاداری هەموولایەک دەکەینەوە کە زانکۆمان بە نوسراوی ژمارە 11101 لە 30-10-2024 پڕۆسەی تەوتینی جێبەجێکردوە بۆ سەرجەم مامۆستایان و فەرمانبەرانمان".

هاوکات لە راگەیەندراوێکدا کە ئیمزای سەرۆکی زانکۆی پۆلەتەکنیکی لەسەرە و ئاراستەی بەشی کارگێڕی پارێزگای سلێمانی کراوە داوا دەکەن، کاری پێویستیان لەو بارەیەوە بۆ بکەن و پرۆسەکە بجێتە بواری جێبەجێکردنەوە.

ئەمە لەکاتێکدایە کە هەوڵەكانی فراكسیۆنی یەكێتیی نیشتمانیی كوردستان لە بەغدا بۆ تەوتینكردنی مووچەی مووچەخۆرانی هەرێم بەردەوامە و لە ماوەی رابردووشدا لەگەڵ بەڕێوەبەری بانكی رەشید كۆبوونەتەوە و مۆڵەتیان وەرگرتووە كە لقەكانی ئەو بانكە لە سلێمانی بكەنەوە، دواتریش تەوتینی مووچەی فەرمانبەران دەستپێبكات.

PUKMEDIA