نوێنەران کۆدەبێتەوە و سێ پرۆژە ناکۆکەکە لەکارنامەدا نییە

PUKMEDIA

ئەنجومەنی نوێنەرانی عیراق

بڕیارە رۆژی 26ی ئەم مانگە په‌رله‌مانی عیراق یەکەمین دانیشتن بە سەرۆکایەتی مەحمود مەشهەدانی وەک سەرۆکی په‌رله‌مان بکات و بەپێی کارنامە خوێندنەوە بۆ 5 پرۆژە دەکرێت و ئەو سێ پرۆژەیەی تیدا نییە کە چەند جارێک بەهۆی ناکۆکی هەندێک لە فراکسیۆنەکەنەوە تێنەپەڕێندران.


د. بڕیار رەشید ئەندامی فراکسیۆنی یەکێتی لە ئەنجومەنی نوێنەرانی عیراق بە وێبسایتی رەسمی یەكێتیی نیشتمانیی کوردستان PUKMEDIA ی راگەیاند:"به‌گوێره‌ی به‌رنامه‌ی كاری كۆبونه‌وه‌كه‌،  گرنگترین خاڵی کارنامەکە هەمووارکردنەوەی بودجەی سێ ساڵییه‌ بۆ ساڵی 2025، كه‌ هه‌مواری بڕگەی خه‌رجی و داهات و بڕی تێچوی به‌رمیلێك نه‌وتی بەرھەمھێنراوی ھەرێمی کوردستانیش لەخۆدەگرێت".

 
"پەرلەمانی عیراق ساڵێک بەبێ سەرۆکی پەرلەمان و بەوەکالەت بەڕێوەبرا، دوادانیشتنی بەوەکالەت گفتوگۆکردن بوو، لەسەر (یاسای باری کەسایەتی و لێبوردنی گشتی و گەڕاندنەوەی ئەو موڵکانەی کە بڕیارەکانی ئەنجومەنی فەرماندەیی شۆڕش دەیگرێتەوە بۆ خاوەنەکانیان)، بەڵام بێئەنجام بوون و لەم کارنامەیەشدا ئەو سێ پرۆژەی تێدا نییە"، د.بڕیار رەشید وایوت.

PUKMEDIA