دووهەمین پێشانگای نێودەوڵەتی گەشتیاری لەسلێمانی دەكرێتەوە

پەڕەی د. هەڤاڵ ئەبوبەكر پارێزگاری سلێمانی

پێشانگای نێودەوڵەتی سلێمانی بۆ گەشتوگوزارو ئۆتۆمبێلی ئۆف رۆد

ئەمڕۆ 14-11-2024 ، دووهەمین پێشانگای نێودەوڵەتی سلێمانی بۆ گەشتوگوزارو ئۆتۆمبێلی ئۆف رۆد، لەساڵیادی بونیادنانی شاری سلێمانی كرایەوەو تێیدا زیاتر لە 100 كۆمپانیای ناوخۆیی و دەرەكی بەشدارن.

پێشانگای نێودەوڵەتی سلێمانی بۆ گەشتوگوزارو ئۆتۆمبێلی ئۆف رۆد، بەبۆنەی یادی 240 ساڵەی بنیاتنانی شاری سلێمانییەوە بەبەشداریی چەندین وڵات لەلایەن بەڕێوەبەرایەتی گشتی گەشتوگوزاری پارێزگای سلێمانییەوە بە هەماهەنگی ژووری بازرگانیی و پیشەسازیی سلێمانی و كۆمپانیای ئەتڵەس ئەلئەسیڵ، رێكخرابوو، ئامانجی زیادكردنی رێژەی گەشتیاران و كارئاسانییە بۆ گەشتیاران كە سەردانی پارێزگای سلێمانی بكەن، هاوكات لەپێشانگاكەدا كونسوڵ و نوێنەری وڵاتان بەشدارن، ئەمەش لەپێناو ئەوەی كارئاسانی بۆ وەرگرتنی فیزە بۆ گەشتیاران بكەن.

ساڵی رابردوو یەكەمین پێشانگای نێودەوڵەتی گەشتیاری لەسلێمانی كرایەوە كە بووە هۆی زیادكردنی رێژەی گەشتیاری و بەپێی زانیارییەكانی PUKMEDIA تەنها لەساڵی رابردوودا سێ ملیۆن گەشتیار روویان لەپارێزگاكە كردوە.

لەپێشانگا نێودەوڵەتییەكەدا زیاتر لە 100 كۆمپانیای ناوخۆیی و دەرەكی بونیان هەیەو بڕیارە تا سەعات 5ی ئێوارە پێشانگاكە بەردەوامبێت.

PUKMEDIA