تەلار لەتیف: سەرژمێری بۆ كوردانی ئامادەنەبووی مادەی 140 مەترسیدارە

PUKMEDIA

تەلار لەتیف ئەندامی مەكتەبی سیاسیی و لێپرسراوی ناوەندی كاروباری یاسایی یەكێتیی نیشتمانیی كوردستان

تەلار لەتیف ئەندامی مەكتەبی سیاسیی و لێپرسراوی ناوەندی كاروباری یاسایی یەكێتیی نیشتمانیی كوردستان  وێڕای خستنەڕووی چەند لایەنیكی ئەرێنی سەرژمێری گشتی لەعیراق، بەڵام  رایدەگەیەنێت: "بەشێكی زۆر لەڕاكان پێیانوایە بێ مەترسی نابێت، بەتایبەت بۆ ناوچە دابڕاوەكان، ئەنجامدانی پڕۆسەی سەرژمێری گشتی زیانگەیاندنە بەپێگەو رێژەی كورد لەناوچە جێناكۆكەكان" هەروەك هۆكاری ئەو مەترسییە بۆ ئەوە دەگێڕێتەوە كە: "بەشێكی بەرچاوی دەنگدەرانی كورد لەوناوچانە دانیشتووی شارو شارۆچكەكانی دیكەی هەرێمی كوردستانن و لەكاتی نائامادەیان لەو  پڕۆسەدا لە كەركوك و شارو شارۆچكەكانی دیكەی ناوچەكانی ماددەی 140 ی دەستوور، ئەوا وەك دانیشتوی ئەو جێگایانە تۆمار ناكرێن" و دەڵێت: "دواتر بۆ هەر داتایەك تایبەت بەدانیشتوان و دەنگدەران ناویان تۆمار نابێت، ئەو بارەی دەبێتە مەترسییەكی حەتمی لەسەر پێگەی كورد لەو شوێنانەو چارەنوسی ئەو جێگایانەش روبەڕوی ئاڵنگاری زۆر دەبێتەوە."
 
تەلار لەتیف لە نوێترین وتاریدا كە لە بیروڕای PUKMEDIA بڵاوكراوەتەوە بەپێویستی دەزانێت حكومەت و لایەنە سیاسییە كوردستانییەكان كاری جددی بكەن و هەنگاوبنین كە "سەرژمێری ساڵەكانی 1987 و 1997 بە بنەما وەرنەگیرێن، بەڵكو بەبنەما وەرگرتنی سەرژمێری ساڵی 1957" و دەڵێت: "دۆزینەوەی چارەسەرێكی گونجاو بۆ تۆماركردنی هەموو ئەو كوردانەی لەشارو شارۆچكەكانی ناوچە جێناكۆكەكان دەركراون بەهۆی سیاسەتەكانی تەعریبەوە لەو ناوچانە لەپڕۆسەی راپرسییەكە".

دەقی وتارەكە لەم لینكەدایە:

پڕۆسەی سەرژمێری گشتی لەعیراق

PUKMEDIA