یەكێتی بەڕەسمی لەبەغدا سكاڵای لەدژی هەژماری من تۆماركرد

PUKMEDIA

بەشێك لەئەندامانی فراكسیۆنی یەكێتی لەبەردەم دادگای كەرخ لە بەغدا

یەكێتیی نیشتمانیی كوردستان سكاڵای یاسایی لەدژی هەژماری من و رێگریكردن لە بەبانكیكردنی مووچە تۆمار دەكات

د. بڕیار رەشید ئەندامی فراكسیۆنی یەكێتی لەئەنجومەنی نوێنەرانی عیراق بەوێبسایتی رەسمی یەكێتی PUKMEDIA ی راگەیاند: "فراكسیۆنەكەمان لەگەڵ ناوەندی یاسای یەكێتیی نیشتمانیی كوردستان، لەدادگای كەرخ لە بەغدا سكاڵای یاسایی لەدژی هەژماری من تۆمار كرد".


"سكاڵاكە لەسەر رێگریكردن لەجێبەجێكردنی (تەوتین)ی مووچەی فەرمانبەرانی هەرێم و بەزۆر ناچار كردنی فەرمانبەران بە كردنەوەی هەژماری بانكی لەهەژماری من لەبانكە ناحكومییەكان، كە پێچەوانەی بڕیاری دادگای فیدڕاڵییە" د. بڕیار رەشید وادەڵێت.

راشیگەیاند: "دادگای لێكۆڵینەوەكە سكاڵاكەی قبوڵكردو دەستیكردووە بە رێكارە یاساییەكان".

یەكێتیی نیشتمانیی كوردستان، لەچوارچێوەی هەوڵەكانیدا بۆ جێبەجێكردنی تەوتین و كۆتایی هێنان بە هەژماری من، كە بەزۆرەملێ بەمووچەخۆرانی هەرێم دەكرێت، ئەمڕۆ 31-10-2024، لەدادگایەك لەبەغدا سكاڵای تۆمار كردو دادگاكەش سكاڵاكەی قبوڵكرد.

PUKMEDIA