پارێزگاری کەرکوک: کەموکورتییەکانی ئیدارەی پێشوو چاکدەکەینەوە

نوسینگەی رۆژنامەوانی رێبوار تەها

رێبوار تەها پارێزگاری کەرکوک

پارێزگاری کەرکوک رایدەگەیەنێت:" دەمانەوێت شاری کەرکوک بكەینەوە بە شار و كەموكورتییەكانی ئیدارەی پێشوو چاكبکەینەوە، جگە لە دروستکردنی چەندین پرۆژەی خزمەتگوزاری لەشارەکە، بۆ خزمەتی دانیشتوانەکەی".

رێبوار تەها پارێزگاری کەرکوک لەکۆنگرەیەکی رۆژنامەوانیدا رایگەیاند:" دەمانەوێت سەرجەم کەموکورتییەکانی ئیدارەی پێشوو لەشارەکە چاکبکەینەوە، پێشتر بەڵێندەر نەماوە لەم شارەیا ٢٠٪ بۆ ٣٠٪ لێ نەسێنرابێت و ئەنجامی کارەکانیش باش نەبوون ".

وتیشی:" دەمانەوێت هەموو ئەمانە چاک بکەینەوە و شارەکەمان بکەین بەشار، سەرجەم ئەو پرۆژانەی پێشنیارمان کردوون پرۆژەی ستراتیجین و سەرجەمیانمان ئامادەکردووە بۆ گواستنەوە بۆ ئەو کۆمپانیایانەی خۆمان بەباشیان دەزانین لەدوای بەدواداچونێکی تەواو کەبتوانن کارەکانیان بەباشی ئەنجام بدەن".

 هەر لە کۆنگرەکەدا پارێزگاری کەرکوک ئاماژەی بەوەشکرد:"ەندین پرۆژەی خزمەتگوزاری لەشارەکە جێبەجێدەکەین و هەموو ئەو کارانەش کە ئەنجامی دەدەین لەپێناو دانیشتوانی شارەکەیە و شایستەیانە".

PUKMEDIA