كۆمسیۆن نەوەی نوێ و پارتی سزا دەدات

PUKMEDIA

باڵەخانەی پەرلەمانی کوردستان، لۆگۆی کۆمسیۆنی باڵای هەڵبژاردنەکان

كۆمسیۆنی باڵای سەربەخۆی هەڵبژاردنەكانی عیراق كاندیدێكی پارتی و لیستی نەوەی نوێ سزادەدات، بۆ لێپرسینەوە لە كەناڵی NRT یش داوایەك ئاڕاستەی وەزارەتی رۆشنبیری دەكات.

جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عیراق بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: "كۆمسیۆن بڕیاریدا بەسزادانی لیستی نەوەی نۆی بە پێنج ملێون دینار بەهۆی سەرپێچی كردنی لەیاسای هەڵبژاردن و هەڵمەتی بانگەشەی هەڵبژاردن، هاوكات داوایەكیش ئاڕاستەی وەزارەتی رۆشنبیری هەرێم دەكات بۆ لێپرسینەوە لە كەناڵی NRT لەبەر بەردەوامبوونی لەهەڵمەتی بانگەشەی هەڵبژاردن و سەرپێچی سیستەمی كەناڵەكانی راگەیاندن لەیاسای هەڵبژاردنی پەرلەمانی كوردستان".

"كۆمسیۆنی باڵای سەربەخۆی هەڵبژاردنەكانی عیراق بڕیاریدا بەسزادان بەبڕی یەك ملێون دینار بۆ هەریەك لە باخان ئازاد كاندیدی پارتی و رامی نوری سیاوەش كاندیدی كۆتای مەسیحی لەهەولێر، بەهۆی سەرپێچی كردنیان لەیاسای هەڵبژاردن و هەڵمەتی بانگەشەی هەڵبژاردن" جومانە غەلای وایوت.

راشیگەیاند: "ئەمە لەكاتێكدایە ئەنجومەنی كۆمسیارانی كۆمسیۆنی باڵای سەربەخۆی هەڵبژاردنەكانی عیراق، 11 سكاڵای بینیوەو بڕیاری لەسەر ئەم ژمارە سكاڵایە داوەو ئەوانەی دیكەی رەتكردووەتەوە".

PUKMEDIA
دەقی بڕیارەكانی كۆمسیۆنی باڵای سەربەخۆی هەڵبژاردنەكانی عیراق: