بەئامادەبوونی سەرۆک بافڵ کەرنەڤاڵی ناساندنی کاندیدانی یەکێتی لەهەولێر بەڕێوەدەچێت

نووسینگەی رۆژنامەوانی سەرۆکی یەکێتی

بافڵ جەلال تاڵەبانی سەرۆکی یەکێتیی نیشتمانیی کوردستان

دوانیوەڕۆی ئەمڕۆ ١٥ـی ١٠ـی ٢٠٢٤، بە ئامادەبوونی بافڵ جەلال تاڵەبانی سەرۆکی یەکێتیی نیشتمانیی کوردستان کۆتا کەرنەڤاڵ و بانگەشەی یەکێتی لە هەولێر بەڕێوەدەچێت کە تێیدا سەرۆک بافڵ پەیامی نوێی دەبێت، پێشتریش لە کەرنەڤاڵی لیستی ١٢٩ لە گەرمیان وتی: "لە هەولێر وەڵامی ئەوانە دەدەمەوە کە دەپرسن کۆتایی بەچی دەهێنین و لە کەرنەڤاڵی بادینانیش دووپاتیکردەوە کە سبەی وەڵامی ئەوانە دەدەمە کە کۆتایی بەچی دەهێنین".

بە گوێرەی راگەیەندراوێکی کاروان گەزنەیی وتەبێژی رەسمی لیستی ١٢٩ـی یەکێتیی نیشتمانیی کوردستان کە وێنەیەکی بۆ PUKMEDIA  نێردراوە ئاشکرایدەکات: "یەکێتی حەوتەمین و کۆتا کەرنەڤاڵی فراوانی خۆی بۆ بانگەشەی هەڵبژاردنی خولی شەشەمی پەرلەمانی کوردستان بۆ ساڵی ٢٠٢٤، لە هەولێری پایتەخت ئەنجام دەدات".

لەو کەرنەڤاڵەدا، سەرۆک بافڵ جەلال تاڵەبانی، سەرۆکی یەکێتیی نیشتمانیی کوردستان، وتارێک پێشکەش بە هاووڵاتیانی هەولێری پایتەخت و یەکێتییەکان و هاووڵاتییانی هەرێمی کوردستان دەکات. 

"کۆتایی بە دەسەڵاتی خۆ سەپێن دەهێنین." دروشمێکی سەرەکی لیستی یەکێتی ١٢٩ـیە و کۆتا کەرنەڤاڵیش لە مەکتەبی سیاسیی یەکێتیی نیشتیمانیی کوردستان، سەر ڕێگەی سەرەکیی کەرکوک دەبێت لە سەعات ٤:٠٠ـی پاشنیوەرۆ.

بافڵ جەلال تاڵەبانی سەرۆکی یەکێتیی نیشتمانیی کوردستان لەماوەی بانگەشەدا حەوت کەرنەڤاڵی گەورەی بۆ ناساندنی کاندیدەکانی لیستی ١٢٩ـی یەکێتیی نیشتمانیی کوردستان لە پارێزگا و قەزا و ناحیەکان ئەنجامداوە و لەسەرجەم کەرنەڤاڵەکاندا تەئکیدی کردووەتەوە کە بەپشتیوانی خەڵکی هەرێمی کوردستان کۆتایی بە دەسەڵاتی خۆسەپێن و گەندەڵ و جیاکار و نادادپەروەر دەهێنین، بۆئەمەش پشتیوانی خەڵکی هەرێمی کوردستانمان دەوێت و داوایان لێدەکات لە رۆژی ٢٠ـی ١٠ـی ٢٠٢٤، سندوقەکانی هەڵبژاردن سەوزپۆش بکەن و یەکێتیی نیشتمانیی کوردستان بکەنە هێزی یەکەم لە هەرێمی کوردستان، چونکە لەرابردوودا سەلمێندراوە هەرکاتێک سەرۆکی حکومەت لای یەکێتی بووبێت خەڵك لەخۆشگوزەرانیدابوون.
PUKMEDIA