چەندین کاندیدی لیستەکانی دیکە هاتنە ناو یەکێتییەوە

PUKMEDIA

وێنەی ئەو کاندیدانەی پەیوەندییان بە یەکێتییەوە کرد

دوای وتارەکەی سەرۆک بافڵ لە پارێزگای دهۆک 10 کاندیدی لایەنەکان وازهێنانی خۆیان لەو لیستەی خۆیان بۆ کاندیدی کردبوو راگەیاند و پەیوەندییان بە ریزەکانی یەکێتیی نیشتمانیی کوردستانەوە کرد کە سەرجەمیان لە لیستەکانی بەرەی گەل و هاوپەیمانین.

دوابەدوای بەڕێوەچوونی شەشەمین کەرنەڤاڵی لیستی ١٢٩ی یەکێتی لە دهۆک و دوای بەشداریکردنی سەرۆک بافڵ و وتارە کاریگەرەکانی، هەشت کاندیدی بەرەی گەل بەناوەکانی (مامۆستا هاشم ساڵح کاندیدی ژمارە 3، لەوەند یونس کەریم کاندیدی ژمارە 34، شوکریە ئەحمەد رەمەزان کاندیدی ژمارە 33، دلۆڤان عەبدولسەلام کاندیدی ژمارە 8، سعود سابیر کاندیدی ژمارە 23، کاردار عەلی حسێن کاندیدی ژمارە 16، گۆڤان نایف هەرکی کاندیدی ژمارە 24، سەردار محەمەد ساڵح کاندیدی ژمارە 22) وازهێنانی خۆیان لە لیستی بەرەی گەل لە پارێزگای دهۆک راگەیاندن و پەیوەندییان بە ریزەکانی یەکێتیی نیشتمانیی کوردستانەوە کرد.

هاوکات دوو کاندیدی هاوپەیمانی نیشتمانی بە ناوەکانی (عەبدولباقی ئەمیر کاندیدی ژمارە 5 لە بزانەی دهۆک، ئەیمەن ئەحمەد پیرە کاندیدی ژمارە 11 لە بازنەی هەولێر) دەستلەکارکێشانەوەی خۆیان لە هاوپەیمانی نیشتمانی راگەیاند و پەیوەندییان بە یەکێتیی نیشتمانیی کوردستانەوە کرد.
PUKMEDIA