مەڵبەندی 3 ی هەولێر: شار دەکەینەوە شوێنی سەرکەوتن و داهێنانی گەنجان

PUKMEDIA

لیستی ١٢٩ـی یەکێتیی نیشتمانیی کوردستان

مەڵبەندی 3ـی هەولێری یەکێتیی نیشتمانیی کوردستان لە پەیامێکدا رایدەگەیەنێت: "هەموو ئەو بەها جوانانەی هەولێریان زیندوو دەکەینەوەکە ئێستا تێکدراون و شێوێندراون، لەجیاتی موخبیرو جاسوس، هەولێر پڕ دەکەین لەچاودێر و پارێزەری ژینگە و پاکەوانی جادەو گۆڕەپان و کۆڵانەکان".

لە پەیامەکەی مەڵبەندی 3ـدا هاتووە: "هەولێر دەکەینەوە بە پایتەختێك، کە هەولێریەکان شانازی پێوە بکەن و شەرمیشیان پێی نەبێ کە میوانێك سەردانی دەکا، شار دەکەینە شاری سەرکەوتن بۆ داهێنانــــی گەنجان و لاوان".

دەقی پەیامەکە

پەیامی ئەمڕۆی هەولێر ..... هەمـوو ئەوانەی تێکــدراوە، شــێوێندراوە چاكــــــی دەکەینەوە.

لەگەڵ خەڵکی هەولێر پێکەوە، هەموو ئەو بەها جوانانەی هەولێریان زیندوو دەکەینەوە، کەئێستا تێکدراون و شێوێندراون، هەناسە و ژینگە و خاکـــــــی هەولێر پاك دەکەینەوە لەچڕەدوکەڵی پاڵاوگە قاچاخەکان، شار دەکەینە شاری سەرکەوتن بۆ داهێنانــــی گەنجان و لاوان.

هەولێریەکان بێ سنور دڵساف و سادەو بێ بوغزن، لۆیێ ئاشتی کومەڵایەتی و پێکەوە ژیان و دەریا مەندو سەنگینەکەی هەولێریان لەپێناو پاراستنی نان و ئازادی، نەك هەر بۆ هەولێر بەڵکو بۆ هەموو کوردستان جۆش دەدەینەوە.

لەجیاتی موخبیرو جاسوس، هەولێر پڕ دەکەین لەچاودێر و پارێزەری ژینگە و پاکەوانی جادەو گۆڕەپان و کۆڵانەکان.

هەولێر دەکەینەوە بە پایتەختێك، کە هەولێریەکان شانازی پێوە بکەن و شەرمیشیان پێی نەبێ کە میوانێك سەردانی دەکا.

سڵاو هەولێر گلێنەی چاوی کوردستان .سڵاو شاری سوڵتان موزەفەر، شارەکەی کاك کۆسرەت.

یەکێتیی نیشتمانیی کوردســـــتان
راگەیاندنی مەڵبەندی 3 ی هەولێر
PUKMEDIA