سەرۆک بافڵ: دەمانەوێت رەوشتی کۆمەڵگەکەمان بپارێزین

نووسینگەی رۆژنامەوانی سەرۆکی یەکێتی

سەرۆک بافڵ لەناو جەماوەری یەکێتی لە پشدەر و بیتوێن

بە ئامادەبوونی بافڵ جەلال تاڵەبانیی سەرۆکی یەکێتیی نیشتمانیی کوردستان، پێنجەمین کەرنەڤاڵی بانگەشەی لیستی ١٢٩ی یەکێتیی نیشتمانیی کوردستان لە پشدەر و بیتوێن دەستیپێکرد، سەرۆک بافڵ رایگەیاند: "دەمانەوێت رەوشتی كۆمەڵگەكەمان بپارێزین".

بافڵ جەلال تاڵەبانی سەرۆکی یەکێتیی نیشتمانیی کوردستان لە پێنجەمین کەرنەڤاڵی بانگەشەی لیستی ١٢٩ـی یەکێتیی نیشتمانیی کوردستان کە لە پشدەر و بیتوێن بەڕێوەچوو، بۆ ئامادەبووان رایگەیاند: "خەڵکی دەڤەری راپەڕین بەشێکن لە یەکێتی و لەخۆمانن، بۆیە داواتان لێدەکەم رۆژی دەنگدان بچنە سەر سندوقەکانی دەنگدان و سندوقەکان سەوزپۆش بکەن".

"ئێمە بە یەک چاو سەیری هەموو کوردێک دەکەین، بەڵام سەریر بکەن پارتی چۆن عەزیەتی کوردانی دیکە دەدەن لەچوار پارچەی کوردستان، بۆیە پێتان دەڵێم ئەوە کوردایەتییە کە پارتی دەیکات؟ بۆیە تەئکید دەکەینەوە بەڵێ کۆتایی بە بەم حکومەتە خۆسەپێنە دەهێنین کە نەیتوانیوە بە یەک چاو سەیری هەموو پارچەکانی کوردستان و ناوچەکان بکات، لەم روانگەیەشەوە پێتان رادەگەیەنم کە هەر یەکێتی گۆڕانکاری پێدەکرێت"، سەرۆک بافڵ وای وت. 

سەرۆک بافڵ ئاماژەی بەوەشدا: "ئەوەی پارتی لێی نازانێت کوردایەتییە، بۆیە پێیان دەڵێین لۆمارێ، دەتوانن بەدواداچوون بکەن بۆ پارەکانمان بزانن کێ دزە و کێ گەندەڵە".

PUKMEDIA