لەتیف نێروەیی: یەکێتی لە بادینان کۆتایی بە نادادی دەهێنێت

PUKMEDIA

لێپرسراوی بۆردی راگەیاندن

سەرکەوتنی یەکێتی لەدەڤەری بادینان هۆکارێک دەبێت بۆ گەڕاندنەوەی ئارامی بۆ  ناوچەکەو لەو بارەیەوە لێپرسراوی بۆردی راگەیاندن دەڵێت: "دروشمی لایەنێک ئارامییە لەکاتێکدا لەم دەڤەرە هیچ ئارامییەک نییە و دەنگدان بەیەکێتی دەتوانێت کۆتایی بە نادادی و نایەکسانی و نەبونی ئازادی بهێنێت".

لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان رایگەیاند: "ئومێد دەکەین یەکێتی بتوانێت لەدەڤەری بادینان دەنگێکی زۆر بەدەست بهێنێت و بچێتە پاڵ سەرکەوتنەکانی دیکەی یەکێتی لە هەرێمی کوردستان، هەتا بتوانین کۆتایی بە نادادی و نایەکسانی و نەبونی ئازادی بهێنین و لەم دەڤەرەش هەموو کەس ئازاد بێت".

"لایەنێکی سیاسی هەموو کات باسی ئارامی دەکات لەکاتێکدا خەڵکی ئامێدی لەنێوان دوو چیادان کە هیچ کام لەو چیایانە بەدەست هێزی پێشمەرگەی کوردستانەوە نییە، کۆمەڵێک هێزی دیکە لێرەن خەڵکی هەرێمی کوردستان نین، بەردەوام دەنگی فرۆکە و بۆردومان هەیە و ژیانی خەڵکی ئەم دەڤەرەی سەخت کردوەو لەرووی گیانییەوە لەمەترسیدان"، لەتیف نێروەیی وای وت.

ڕاشیگەیاند:" خەڵکی دەڤەری بادینان شایەنی ژیانێکی باشترن و بەدەنگدانیان بە لیستی 129 ی یەکێتی ژیانێکی پڕ ئازادی و دادپەروەرییان بۆ دێتە ئاراوە".

PUKMEDIA