سەرۆکی فراکسیۆنی DEM پارتی لە پەرلەمانی تورکیا: مام جەلال هۆکاری ئاشتی رۆژهەڵاتی ناوەڕاست بوو

PUKMEDIA

سرری ساکک سەرۆکی فراکسیۆنی DEM پارتی لە پەرلەمانی تورکیا

سەرۆکی فراکسیۆنی DEM پارتی لە پەرلەمانی تورکیا، باس لە رۆڵی سەرۆک مام جەلال دەکات و لە کۆبوونەوەی پەرلەمانی تورکیادا وتی: "مام جەلال مامی کوردانەو یەکێکەبوو لەگرنگرین کەسایەتییە سیاسیەکانی رۆژهەڵاتی ناوەڕاست، وەک سەرۆککۆماری عیراق رۆڵی سەرەکی بینیوەو هۆکارێکی گرنگ بووە لەبەرجەستەکردنی ئاشتی لەنێوان هەموو هێزەکانی عیراق و رۆژهەڵاتی ناوەڕاست".

سرری ساکک سەرۆکی فراکسیۆنی DEM پارتی لە پەرلەمانی تورکیا، لە کۆبوونەوەی رۆژی رابردووی پەرلەمانی تورکیا کە هاوکاتبوو لەگەڵ ساڵرۆژی کۆچی دوایی سەرۆک مام جەلال، رایگەیاند: "مام جەلال مامی کوردانە و یەکێکبوو لەگرنگرین کەسایەتییە سیاسیەکانی رۆژهەڵاتی ناوەڕاست، مام جەلال تەوای ژیانی وەک پێشمەرگەیەک لەشاخەکانی کوردسان ژیاوە، لەپێناو رەتکردنەوەی ژێردەستەیی و وەستانەوە لەدژی فاشیزم تێکۆشاوە".

"پاشان وەک سەرۆککۆماری عیراق رۆڵی سەرەکی بینیوە و هۆکارێکی گرنگ بووە لەبەرجەستەکردنی ئاشتی لەنێوان هەموو هێزەکانی عیراق و رۆژهەڵاتی ناوەڕاست"، سەرۆکی فراکسیۆنی DEM پارتی لە پەرلەمانی تورکیا وای وت.

ئاماژەی بەوەشدا: "ساڵی 1993 هەموو بەیەکەوە و بۆ جاری یەکەم قوناغێکی ئاگربەستێمان لەسووریا رێکخست، ئەندازیاری ئەم رێکخستنەش مام جەلال و تۆرگۆت ئۆزال بوون، بەم بۆنەیەو سڵاو  ستایش بۆ رۆحی هەردووکیان دەنێرم، بەڕێز و خۆشەویستییەوە بەبیر خۆمانی دەهێنمەوە."

مام جەلال كە یەكەم سەرۆك كۆماری عیراق و سكرتێری گشتی یەكێتیی نیشتمایی كوردستان بوو، رۆژی 17-12-2012 بەهۆی تێكچوونی باری تەندروستییەوە لە بەغداوە رەوانەی ئەڵمانیا كرا بەمەبەستی وەرگرتنی چارەسەری پزیشیكی، بەداخەوە رۆژی 3-10-2017 دڵە گەورەكەی لەلێدان كەوت و كۆچی دوایی كرد، لە ئێستاشدا حەوت ساڵ بەسەر کۆچی دوایی سەرۆک مام جەلال دا تێپەڕیوە.
PUKMEDIA