سه‌عدی پیره‌: هه‌ژماری من بۆ مقه‌ستكاری مووچه‌یه‌

PUKMEDIA

سەعدی ئەحمەد پیرە وتەبێژی یەکێتیی نیشتمانیی کوردستان

سەعدی ئەحمەد پیرە دەڵێت: "لە (هەژماری من)ـدا گەر مووچەیەک بێت چەندین مقەستی بەردەکەوێت، بەڵام بە (تەوتین) کێشەی مووچە نامێنیت و هەموو مووچەخۆرێک لەکاتی خۆیدا دەتوانێت مووچەکەی وەربگرێت".

سەعدی ئەحمەد پیرە وتەبێژی یەکێتیی نیشتمانیی کوردستان سەبارەت رایدەگەیەنێت: "لە (هەژماری من) پارەیەک کە دێت دەبێت بچێتە لای حکومەت و ئەویش بیخاتە سەر بانکی برادەران، ئەوانیش بە ویستی خۆیان سەرفی بکەن، واتە ئەو مووچەیەی کە دێت چەندین مقەستی بەردەکەوێت".

"بەڵام (تەوتین) پشتیوانییەکی یاسایی هەیە، بەشێوەیەکە لە بانک دەردەچێت و دێتە سەرحسابەکەت، هیچ کەسێک ناتوانێت دەستی بۆ ببات"، وتەبێژی یەکێتی وادەڵێت.

سەعدی پیرە ئاماژەی بەوەشدا: "یەکێتیی (هەژماری من) بە تەواوی رەت دەکاتەوە، خەڵکیش دەبێت (تەوتین) بکەن، لەکاتێکدا لایەنێک دەیەوێت تەوتین بە نانیشتمانی لەقەڵەمبدات، ئەمەش لەبەر ئەوەیە کە تەوتین رێگر دەبێت لەبەردەم دزیکردنی ئەوان، ئەمە لەکاتێکدایە دزیکردن و خۆڵ کردنە چاوی خەڵک و فێڵی هەڵبژاردن نانیشتمانییە نەک  تەوتین".

"بە جێبەجێکردنی تەوتین مووچەخۆران لە کاتی خۆیدا مووچەکانیان وەردەگرن، هیچ کەسێکیش ناتوانێت معاش بکاتە کارتی فشار لەسەر هاووڵاتیان'، وتەبێژی یەکێتی وای وت.
PUKMEDIA