سەرۆككۆماری عیراق بەشداریی پێشانگای نێودەوڵەتیی كتێبی كرد

نوسینگەی راگەیاندنی سەرۆكایەتی كۆمار

سەرۆككۆماری عیراق بەشداریی پێشانگای نێودەوڵەتیی كتێبی كرد

 لە گفتوگۆكانیدا لەگەڵ ژمارەیەك لە دەزگاكانی چاپ و بڵاوكردنەوە، ستایشی رێكخستنی پێشانگاكە و هەوڵەكانی رێكخەرانی كردو ئاماژەی بە گرنگی ئەم جۆرە پێشانگە و كۆڕبەندە ئەدەبی و فیكریانە كرد لە دەوڵەمەندكردنی رەوتی رۆشنبیری و بەهێزكردنی لێكنزیكبونەوەی كولتوریی نێوان گەلان و نەتەوەكان.

د.لەتیف جەمال رەشید سەرۆككۆماری عیراق، رۆژی دوو شەممە 16-9-2024 لە بەغدا، ئامادەی سیمینارێكی دیالۆگی سەنتەری رۆشنبیری عەرەبی-كوردی بوو لەژێر ناونیشانی "دیالۆگی عەرەبی-كوردی دەستپێشخەرییەكە بۆ چالاككردنەوەی یادەوەری و چارەنوسی هاوبەش"، كە لەچوارچێوەی دیدارە رۆشنبیرییەكانی خولی 25ەمینی پێشانگای نێودەوڵەتی كتێب لە بەغداد رێكخرابوو.

بەشداربووانی گفتوگۆكە لە سیمینارەكەدا ئاماژەیان بەڕۆڵی گرنگی سەنتەری رۆشنبیری عەرەبی-كوردی كرد لە بەهێزكردنی دیالۆگی رۆشنبیری و هزری و ئەدەبی، كە عەرەب و كورد و پێكهاتەكانی دیكەی عێراق كۆدەكاتەوە، سەرەڕای بایەخی كاركردن بۆ پەرەپێدانی خاڵە هاوبەشەكان، كە خزمەت بەپێكەوەژیانی ئاشتیانە و هاریكاری لە بوارە جیاجیاكاندا دەكات. 

هەروەها بەشداربووان جەختیان لەگرنگی رۆڵ و بەشداریكردنی رۆشنبیران و نوسەرانی كورد و عەرەب كردەوە لە دەوڵەمەندكردنی فیكر و كولتور بۆ بەدیهێنانی لێكگەیشتن و نزیكبونەوە و زاڵبون بەسەر كێشە و جیاوازییەكان، كە لەماوەی رابردودا رویانداوە و چارەسەركردنیان لەپێناو هێنانەدی كۆمەڵگەیەكی هۆشیاری دیموكراسی.

هاوكات سەرۆككۆمار سەردانی بەشەكانی پێشانگاكەی كرد، كە بەرهەمی چەندین دەزگای چاپ و بڵاوكردنەوەی عەرەبی و ناوخۆیی و وەزارەتەكان و دامەزراوە كولتوری و ئەمنی و كۆمەڵایەتییەكانی حكومی لەخۆگرتبو.

سەرۆككۆمار لە گفتوگۆكانیدا لەگەڵ ژمارەیەك لە دەزگاكانی چاپ و بڵاوكردنەوە، ستایشی رێكخستنی پێشانگاكە و هەوڵەكانی رێكخەرانی كردو ئاماژەی بە گرنگی ئەم جۆرە پێشانگە و كۆڕبەندە ئەدەبی و فیكریانە كرد لە دەوڵەمەندكردنی رەوتی رۆشنبیری و بەهێزكردنی لێكنزیكبونەوەی كولتوریی نێوان گەلان و نەتەوەكان.

PUKMEDIA