سەرۆکایەتی کۆماری عیراق: یاسای هەڵبژاردن هەموار ناکرێتەوە

PUKMEDIA

سەرۆکایەتی کۆمار

سەرۆکایەتیی کۆماری عێراق رەتیدەکاتەوە کە:" نیازی هەموارکردنەوەی یاسای هەڵبژاردنی هەبێت" و رایدەگەیەنێت:" واتەواتی لەو جۆرە لە سۆشیاڵ میدیا و لەسەر زاری ژمارەیەک کەسایەتییەوە بڵاوکراتەوە، کە گوایە سەرۆکایەتیی کۆمار بە رەزامەندی هاوپەیمانیی چوارچێوەی هەماهەنگی نیازی ئامادەکردنی پرۆژەیاسای هەموارکردنەوەی هەڵبژاردنی هەبێت." 

 
سەرۆکایەتیی کۆمار لە راگەیەندراوێکیدا کە وێنەیەکی بۆ وێبسایتی رەسمی یەکێتیی نیشتمانیی کوردستان PUKMEDIA   ئەو جۆرە هەواڵە هەڵبەستراوانە رەتدەکاتەوە و دەڵێت:" ئەو هەواڵانە راست نین و  ئامانجەکەی بۆ پشێوینانەوەیە لە گۆڕەپانی سیاسیی دا و  ناچارین ئەوانە رووبەرووی دادگا بکەینەوە کە ئەو دەنگۆیانە لەسەر حسابی ئاشتی و ئارامی  هەموان بڵاودەکەنەوە" .

 
سەرۆکایەتیی کۆمار رایدەگەیەنێت :" کاردەکەین بۆ نزیککردنەوەی بۆچوونی لایەنە بەشداربووەکانی نێو پرۆسەی سیاسیی  بەئامانجی پێشکەشکردنی باشترین خزمەتگوزاری بۆ هاوڵاتییان و جێبەجێکردنی  بەڵێنەکانی حکومەت  کە لە کارنامەکەیدا بە هاوڵاتییانی داوە".

PUKMEDIA