مۆڵەتی ئیمزا لەراکان جبوری وەردەگیرێتەوە

PUKMEDIA

ئەنجومەنی پارێزگای کەرکوک

نوسراوێکی ڕاکان جبوری بۆ دابەشکردنی مووچەی فەرمانبەرانی ئەنجومەنی پارێزگای کەرکوک ڕەتکرایەوە، بەھۆی ئەوەی ویستوویەتی وەک پارێزگاری بەوەکالەت مامەڵەبکات،ئەمەش لەکاتێکدایە 11 ئەندامی ئەنجومەنی پارێزگاکە بە ڕەسمی عەلی حەمادییان بۆ راپەڕاندنی کارەکانی پارێزگا راسپاردووە.


سەرچاوەیەک لە ئەنجومەنی پارێزگای کەرکوک کەنەیویست ناوی ئاشکرا بکرێت بە وێبسایتی رەسمی یەکێتیی نیشتمانیی کوردستان PUKMEDIA ی ڕایگەیاند: "ڕۆژی چوارشەممە ١١ ئەندامی ئەنجومەنی پارێزگاری کەرکوک بەڕەسمی عەلی حەمادی یاریدەدەری پارێزگاری کەرکوکیان ڕاسپارد بۆ ئیمزاکردن لەسەر لیستی دابەشکردنی مووچەی فەرمانبەرانی ئەنجومەن، هەرچەندە ڕاکان جبوری ناڕەزایەتی دەربڕیبوو و ویستوویەتی لە بەغدادەوە نوسراوێک بھێنێت بۆ ئەوەی وەکو پارێزگار ڕەفتاربکات و کارەکان ڕابپەڕێنێت، بەڵام داواکاریەکەی ڕەتکرایەوە بە هۆکاری ئەوەی چیتر پارێزگاری بەوەکالەتی کەرکوک نییە".

"لە کۆتاییدا عەلی حەمادی ئیمزای لەسەر لیستی دابەشکردنی مووچەکە کرد و بەپێی ئەو نوسراوە فەرمانبەرانی ئەنجومەن مووچەیان وەرگرت"، سەرچاوەکە وای وت.

ڕۆژی ١١ی تەمموزی ئەمساڵ، ڕاکان جبوری پارێزگاری بەوەکالەتی کەرکوک سوێندی یاسایی خوارد و وەکو ئەندامی ئەنجومەنی پارێزگا دەستبەکاربوو، بەوەش ئیمزاکردنی نوسراوەکانی وەک پارێزگار رەتکرایەوە.

نوسراوە رەتکراوەکەی راکان جبوری:

نوسراوە جێبەجێکراوەکەی عەلی حەمادی:


PUKMEDIA