داهاتی یەک مانگی سلێمانی زیاترە لە 67 ملیار دینار

PUKMEDIA

شەفافیەت

داهاتی یەك مانگی سلێمانی بڕی 67 ملیار و 855 ملیۆن و 437 هەزار و 744 دینار بووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك مانگی راگەیاندووە بەشێوەیەك، بڕی 67 ملیار و 855 ملیۆن و 437 هەزار و 744 دینار بووە، بەجۆرێك كە 87%ـی داهاتەکە بەشێوەی نەختینەیە و 12%ـی داهاتەکە بەشێوەی چەکە و 1%ی داهاتەکەش بە شێوەی مقاصەیە.

هاوکات داهاتی یەك هەفتەی سلێمانی لە رۆژی 25-5-2024 تا 31-5-2024، بڕی 15 ملیار و 132 ملیۆن و 307 هەزار و 759 دینار بووە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.com، بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA