بەهەوڵی یەکێتی کێشەی گەنمی جوتیارانی قەراج و کەندێناوە چارەسەردەکرێت

PUKMEDIA

گوڵە گەنم

ئەمڕۆ ٢٥-٥-٢٠٢٥ وەفدێکی یەکێتی لە مەڵبەندی قەرەجوغ بەمەبەستی چارەسەرکردنی کێشەی جوتیارانی قەزای مەخمورو ناحیە و گوندەکان، سەردانی خاتوو بێگەرد وەزیری کشتوکاڵی هەرێم و فەهمی بورهان لێپرسراوی دەستەی ناوچە جێناکۆکەکانیان کرد، هاوکات لەگەڵ بەشێک لە نوێنەرانی جوتیاران سەردانی سایلۆی مەخمورو  قیادەی فرقەی 14 ی سوپای عیراقیان کرد و بەڵێنیانپێدرا کێشەکانی جوتیاران چارەسەر بکەن.

غـازی فەیسەڵ  لێپرسراوی  پەیوەندییەکانی مەڵبەندی  قەرەچوغ   بە وێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" لەئەنجامی هەوڵ و سەردانەکانماندا لایەنی پەیوەندیدار بەڵێنیاندا گەنمی جوتیارانی راستەقینەی سنوری قەراج و کەندێناوە وەربگرن و نەهێلن هیچ جوتیارێکی گوندەکان گەنمیان لەسەر زەوی بمێنێتەوە".

" هەروەک بەڵێنیشیاندا لیژنەیەکی ئەمنی نیشتمانی  و سوپا پێکبهێنن بۆ رێگریکردن لە وەرگرتنی بەرتیل و رێککخستنی سەرەی بارهەڵگرەکان، تاوەکو چیتر بازرگانانی دەرەوەی ناوچەکە گەنم نەهێننە سایلۆی مەخمور"، غـازی فەیسەڵ   وایوت.


PUKMEDIA