لەهەڵبژاردنی سەرۆکی پەرلەماندا عیساوی پێش مەشهەدانی کەوت

PUKMEDIA

پرۆسەی جیاکردنەوەی دەنگەکان

مڕۆ 18-5-2024پرۆسەی هەڵبژاردنی سەرۆکی پەرلەمانی عیراق بەرێوەچوو، تێیدا کێبڕکێی سەخت لەنێوان سالم ئەلعیساوی و مەحمود ئەلمەشهەدانیدا بەڕێوەچوو، لەجایکردنەوەی دەنگەکانیشدا دەرکەوت عیساوی (158) دەنگی بەدەستهێناوەو لەبەرامبەریشدا مەشهەدانی (137) دەنگی بەدەستهێناوە، بەپێی زانیارییەکانی PUKMEDIA (311) پەرلەمانتار ئامادەبوون و بەشدارییان لەپرۆسەکەدا کرد.

بۆ بەدەستهێنانی پۆستی سەرۆکی پەرلەمان کێبڕکێ لەنێوان هەریەک لە ( سالم ئەلعیساوی و مەحمود ئەلمەشهەدانی و عامر عەبدولجەبار)دا بوو، کە هەرسێکیان سوننەن.

هاوکات لەپرۆسەی جیاکردنەوەی دەنگەکاندا، عامر عەبدولجەبار تەنها 3 دەنگی بەدەستهێنا و  13 دەنگیش پوچەڵبوون.

هەر بەپێی زانیارییەکانی PUKMEDIA بەهۆی ئەوەی هیچ کاندیدێک نەیتوانی دەنگی پێویست بۆ بوون بەسەرۆکی ئەنجومەنی نوێنەران بەدەستبهێنێت، بڕیاردرا خولی سێهەمی پرۆسەی دەنگدان بەڕێوەدەچێت.

غەریب ئەحمەد ئەندامی ئەنجومەنی نوێنەرانی عیراق لەفراکسیۆنی یەکێتیی نیشتمانیی کوردستان بە PUKMEDIA ی راگەیاند:" پێویستبوو یەکێک لەو کاندیدە 50 + 1 ی دەنگەکان کەدەکاتە 165 دەنگی پەرلەمانتاران بەدەستبهێنێت لەکۆی 329 پەرلەمانتار".

"هەڵبژاردنی سەرۆکی پەرلەمانی عیراق کەوتە خولی سێهەمی پرۆسەی دەنگدان"، غەریب ئەحمەد وایوت.

PUKMEDIA