پێنج کاندیدی هەڵبژاردن دووردەخرێنەوە

PUKMEDIA

لۆگۆی کۆمسیۆنی باڵای سەربەخۆی هەڵبژاردنەکان

کۆمسیۆنی باڵای سەربەخۆی هەڵبژاردنەکانی عیراق پێنج کاندیدی لە پڕۆسەی هەڵبژاردنی پەرلەمانی کوردستان دوورخستەوە و بە هۆکاری لەبەرچاوگرتنی رێژەی ژنان نەبوونی مەرج و پێوەرەکان و لەجێدانانی دیکە.

هۆکاری دوورخرانەوەکان جیاوازە

بەگوێرەی دوو راگەیەندراوێکی کۆمسیۆنەکە کە وێنەیان بۆ PUKMEDIA ناردووە، پێنج کاندید لە سلێمانی و هەولێر و هەڵەبجە و دهۆک دوورخراونەتەوە و تێیدا هاتووە ئەو کاندیدانەی دوورخراونەتەوە هۆکارەکانیان جیاوازە و بەگشتی لەبەر لەبەرچاونەگرتنی مەرجەکانی کاندیدبوون و پارێزگاریکردن لە رێژەی ژنان لە لیستەکاندا بووە.

بەپێی راگەیەندراوەکان کە ناوی کاندید و لیستەکانی تێدایە، بەڵام PUKMEDIA لەبەر ناوبانگ و کەسایەتی، ناوی کاندید و حزبەکان بڵاوناکاتەوە و لەو گۆڕانکاریانەدا چوار کاندید کە ژنن و یەکێک لە کاندیدانەکانیش دوورخراوەتەوە بەبێ ئەوەی کۆمسیۆن هۆکارەکەی ئاشکرا بکات.

بانگەشەی هەڵبژاردن نزیکە

بانگەشەی هەڵبژاردنی خولی شەشەمی پەرلەمانی کوردستان نزیکەی مانگێک پێش هەڵبژاردن دەستپێدەکات و کۆمسیۆنیش لە ئامادەکارییەکانی بەردەوامە.

پێشتریش جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە PUKMEDIA ی راگەیاند: "هیچ بڕیارێک بۆ دواخستن یان ئەنجامنەدانی هەڵبژاردن تا ئێستا لەئارادا نییە و کۆمسیۆن ئامادەیە بۆ ئەنجامدانی پرۆسەکە لە 10-6-2024".

"بانگەشەی هەڵبژاردن بۆ پەرلەمانی کوردستان نزیکەی مانگێک پێش ئەنجامدانی پرۆسەکە بەڕێوەدەچێت و ئەنجومەنی کۆمسیاران بڕیاری لەسەر دەدات کەچەنێک وادە دادەنرێت بۆ بانگەشە"، وتەبێژەکەی کۆمویۆن وادەڵێت.

دوو هاوپەیمانی و 10 حزب و 57 کاندیدی سەربەخۆ بەشداری دەکەن

هەڵبژاردنی خولی شەشەمی پەرلەمانی کوردستان دوای ئەوەی نێچیرڤان بارزانی سەرۆكی هەرێمی كوردستان بۆ جاری چوارەم مەرسومی وادەی بەڕێوەچوونی بۆ دەركرد، بڕیارە لە رۆژی 10-6-2024 هەڵبژاردنەکە بەڕیوەبچێت، زۆربەی لایەنەکانیش پاڵپشتی لە بەڕێوەچوونی پڕۆسەکە دەکەن لە وادەی دیاریکراوی خۆیدا  و کۆمسیۆنیش لە ئامادەکارییەکانی بەردەوامە.

بۆ هەڵبژاردنەکەش لایەنەکان لیستی کاندیدەکانیان پێشکەشی کۆمسیۆن کردووە و بڕیارە دوو هاوپەیمانی و 10 حزب و 57 کاندیدی سەربەخۆ بەشداری هەڵبژاردنەکە بکەن.
PUKMEDIA