بۆ یه‌كه‌مجار له‌سه‌ر ئاستی عیراق له‌سلێمانی نه‌شته‌رگه‌رییه‌كی دڵ كرا

PUKMEDIA

نەشتەرگەری دڵ لە سلێمانی

بۆ یه‌كه‌مجار له‌سه‌ر ئاستی هه‌رێمی كوردستان و عیراق نه‌شته‌رگه‌رییه‌كی دڵ به‌سه‌ركه‌وتووی به‌ئامێری (ECMO) بۆ منداڵێكی ته‌مه‌ن (8)ساڵان ئه‌نجامدرا .

نه‌شته‌رگه‌رییه‌كه‌ بۆیه‌كه‌مجاره‌ به‌ به‌كارهێنانی ئامێری (ECMO)  به‌سه‌ركه‌وتووی له‌نه‌خۆشخانه‌ی پسپۆڕ‌ییه‌كانی دڵ له‌سلێمانی ئه‌نجامبدرێت كه‌ ئامێره‌كه‌ ده‌توانیت یارمه‌تی ئیشكردنی دڵ و سییه‌كان بدات بۆ ماوه‌یه‌كی درێژ خایه‌ن.

ئه‌و نه‌خۆشه‌ی نه‌شته‌رگه‌رییه‌كی بۆ كراوه‌ له‌زكماكییه‌وه‌ كونێك له‌نێوان هه‌ردوو كوێچكه‌له‌ی دڵی هه‌بووه‌و خوێنهێنه‌ری سییه‌كانی ڕ‌استی ده‌رژانه‌ ناو شا خوێنهێنه‌ری سه‌ره‌وه‌ (SVC)  له‌وێشه‌وه‌ بۆ كوێچكه‌له‌ی ڕ‌است كه‌خۆی پێویسته‌ بڕ‌ژێنه‌ ناو كوێچكه‌له‌ی چه‌په‌وه‌.

نه‌خۆشه‌كه‌ پاش مانه‌وه‌ی بۆ ماوه‌ی چوار ڕ‌ۆژ له‌سه‌ر ئامێری  (ECMO)، مانه‌وه‌ی بۆماوه‌ی پانزه‌ ڕ‌ۆژ له‌به‌شی چاودێری وردو چه‌ند ڕ‌ۆژێك له‌قاوش، به‌ ته‌ندروستییه‌كی باشه‌وه‌ له‌نه‌خۆشخانه‌ ده‌رچوو نێردرایه‌وه‌ ماڵه‌وه‌.

PUKMEDIA