شێخ جەعفەر: هەموومان ئەركێكی قورسمان لەئەستۆدایە

نوسینگەی رۆژنامەوانی شێخ جەعفەر شێخ مستەفا

شێخ جەعفەر شێخ مستەفا و لیوا روكن رزگار جەبار

شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان رایدەگەیەنێت:" هەموومان ئەركێكی قورسمان لەئەستۆدایە كە خۆی لەبەرگریكردن لە دەستكەوتەكانی راپەڕین و پاراستن خەڵك و حكومەتی هەرێمدا دەبینێتەوە".

ئەم وتەیەی لێپرسراوی ئەنجومەنی پاراستنی بەرژەوەندییە باڵاكانی یەكێتی لە میانی پێشوازی و دیدارێكدابوو لەگەڵ لیوا روكن رزگار جەبار محەممەد فەرماندەی فەرماندەیی پێشمەرگەی بەرگری و فریاكەوتن و ژمارەیەك لە ئەفسەرانی باڵای فەرماندەییەكە كە رۆژی 4/4/2024 لە بارەگای ئەنجومەنەكە لە سلێمانی بەرێوەچوو.

سەرەتا فەرماندەی فەرماندەیی پێشمەرگەی بەرگری و فریاكەوتن، كورتە باسێكی لە كارو چالاكییەكانی فەرماندەییەكەیان پێشكەش كرد لەبواری رێكخستنەوە و پەرەپێدانی تواناكانی هێزی پێشمەرگەدا و لێپرسراوی ئەنجومەنی پاراستنی بەرژەوەندییە باڵاكان رایگەیاند:" هەموومان ئەركێكی قورسمان لەئەستۆدایە كە خۆی لەبەرگریكردن لە دەستكەوتەكانی راپەڕین و پاراستن خەڵك و حكومەتی هەرێمدا دەبینێتەوە"

هەروەك  ئاماژەی بە رۆڵی بەرچاوی هێزەكانی بەرگری و فریاكەوتن دا  لەداستانەكانی بەرەنگاربوونەوەی تیرۆریستانی داعش، كە زۆرجار لیوا روكن رزگار و شەهید شێركۆ فاتیح بەژمارەیەكی كەم لە پێشمەرگەكانیانەوە سەركەوتنی گەورەیان تۆماركردووە. 

PUKMEDIA