یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە

PUKMEDIA

سالاری لالە سەرحەد و یانگ مینگ وی

لە دووەمین رۆژى دیدارى حزبى شیوعى چین، کە بە بەشدارى 22 حزب لە خۆرئاواى ئاسیا و باکورى ئەفریقا لە پەکین بەڕێوەچوو، نوێنەرى یەکێتیی نیشتیمانى کوردستان ژمارەیەک دیداری گرنگى ئەنجامداو لەدیدارەکاندا تیشکی خستەسەر پەیوەندییەکانی یەکێتی و حزبی شیوعی چین، کە سەرۆک مام جەلال دامەزرێنەری پەیوەندییەکانی نێوانیان بووە.


سالار سەرحەد خەلیفە یونس ئەندامى سەرکردایەتى کە وەک نوێنەرى سەرۆک بافڵ جەلال تاڵەبانى بەشداری دیدارەکەی کرددوە، بە وێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" لەچوارچێوەی سەردانەکەماندا بۆ پەکین و بەشداریکردن لەدیداری حزبی شیوعی چین رۆژی ٢٦ی ئاداری ٢٠٢٤ کە دووەم رۆژی دیدارەکە بوو، سەردانی پەیمانگای مێژوویی بەڵگەنامەکانی حزبی شیوعی چینمان کرد، کە ژمارەیەکی زۆر بەڵگەنامەی مێژوویی و توێژینەوەی تێدایە و هاوکات وێنەی سەرۆک مام جەلال و لۆگۆی یەکێتیی نیشتمانیی کوردستانمان وەک دیاری پێشکەش بەلێپرسراوی پەیمانگاکە کرد".

"پاشان بە ئامادەبوونی لى مینگشیانغ یاریدەرى وەزیرى دەرەوەى چین و مان شیونگۆ ئەندامى مەکتەبی سیاسی و لێپرسراوى حزبى شیوعى چین ل هەرێمى شنجیان و یانگ مینگ وی سەرۆکى پەیمانگاى بەڵگەنامە مێژوویەکانى حزبى شیوعى چین، وتاری یەکێتیی نیشتمانیی کوردستانمان خوێندەوە، کە تیشکمان خستەسەر پەیوەندییەکانی نێوان یەکێتی و حزبی شیوعی چین، کە سەرۆک مام جەلال دامەزرێنەری پەیوەندییەکان بووە، لەئێستاشدا بافڵ جەلال تاڵەبانی سەرۆکی یەکێتیی نیشتمانیی کوردستان درێژەپێدەری رێبازەکەی سەرۆک مام جەلالە و گرنگی بە پەیوەندییەکانمان لەگەڵ چین دەدات هاوکات رۆڵی حزبی شیوعی چینمان لەهاوکاریکردنی کورد بەرزنرخاند "، سالار لالە سەرحەد وایوت.

سالار سەرحەد راشیگەیاند: " هەر لەچوارچێوەی سەردانەکەماندا بەیانی ئەمڕۆ ٢٧ی ئاداری ٢٠٢٤ گەیشتینە شاری شانجی و سەردانی پەیمانگای ئیسلامی و مۆزەخانەی نیشتمانیی چینمان کرد و پاشان نوێنەری هەر ٢٢ حزبە چەپەکە لەرۆژئاوای ئاسیا و باکوری ئەفریقا لەگەڵ لێپرسراوی هەرێمەکە کۆبووینەوە و تەئکیدمان لە یەکهەڵوێستی و یەکدەنگی نیوانمان بۆ پرسە هەنووکەییەکان لە رۆژئاوای ئاسیا و باکوری ئەفریقیا کردەوە".

لەدیدارەکاندا لێپرسراوانى حزبى شیوعى چین پەرۆشى خۆیان نیشاندا بۆ هەماهەنگى و فراوانکردنى پەیوەندییەکانیان لەگەڵ یەکێتیی نیشتیمانى کوردستان وەک هێزیکى گەورە و کاریگەر لە هەرێمى کوردستان و عیراق.

PUKMEDIA