ئاسایشی سلێمانی باندێکی دزیکردن دەستگیردەکات

PUKMEDIA

لۆگۆی ئاسایش

هێزەکانی بەرێوەبەرایەتی ئاسایشی سلێمانی، دوای لێكۆڵينەوە و بەدواداچوون، بەبڕیاری دادوەر توانیان باندێکی (٣)کەسی دەستگیربکەن، کە هەستابوون بە دزیکردن لە پێشانگایەکی فرۆشتنی مۆبایل.

بەپێی راگەیەندراوێکی ئاسایشی سلێمانی کە کۆپیەکی بۆ PUKMEDIA نێردراوە، شەوی ٢٠٢٤/٢/١٨ لەگەڕەکی بەختيارى، دزی لە یەکێک لە پێشانگاکانی فرۆشتنی ئامێرەکانی پەیوەندیکردن کرا، بە بڕی(٥،٥٠٠،٠٠٠) پێنج مليۆن و پێنج سەد هەزار دینار لەگەڵ (٢٥) بيست و پێنج موبايلى جۆرى ئايفونی گرانبەها، توانرا بەهەوڵی هێزەکانی ئاسایش ٢٠٢٤/٢/٢٢ تۆمەتبارانى ڕووداوەكە دەستگيربكرێن.

لە ئيستادا تۆمەتباران بەماددەی (٤٤٣) بەبريارى دادوەر ڕاگیراوان و لێکۆڵینەوە لەدۆسیەکانیان بەردەوامە.

PUKMEDIA