‎داهاتی هەفتەی رابردووی سلێمانی زیاتر لە 12 ملیار دینارە

PUKMEDIA

داشبۆردی شەفافیەت

داهاتی یەك هەفتەی سلێمانی لە رۆژی 10-2-2024 تا 16-2-2024، بڕی 12 ملیار و 241 ملیۆن و 82 هەزار و 700 دینار بووە، بەجۆرێك كە زیاتر لە 8 ملیار دیناری نەختینەیە و هەروەها زیاتر لە 1ملیار دینار بەشێوەی چەكە و زیاتر 1ملیار دینار مقاصەیە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، بڕی 12 ملیار و 241 ملیۆن و 82 هەزار و 700 دینار بووە، بەجۆرێك كە 8 ملیار و 772 ملیۆن و 886 هەزار واتە 72% نەختینەیە و هەروەها 1 ملیار و 920 ملیۆن و 90 هەزار و 800 دینار بەشێوەی چەكە واتە %16، هاوکات 1 ملیار و 548 ملیۆن و 105هەزار و 900 دینار واتە %13 مقاصەیە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.net، بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA