ژووری بازرگانی سلێمانی سوپاسی سەرۆک بافڵ و قوباد تاڵەبانی دەکات

ئەرشیف

بینای ژووری بازرگانی و پیشەسازی سلێمانی

ژووری بازرگانی وپیشەسازی سلێمانی ئیدانەی دەستدرێژیکردنە سەر یەکێک لەبازرگانەکانی شاری سلێمانی دەکات و رایدەگەیەنێت:" سوپاسی سەرۆک بافڵ و قوباد تاڵەبانی دەکەین، سەلماندیان كەشارى سلێمانى ژينگەيەكى هێمن و  لەباره بۆ سەرجەم وەبەرهينەران و سەرمايەدارو بازرگان وكاسبكارێك کە سەروەت و سامانيان هەميشەپاريزراوه".

لە راگەیەنراوێکدا کە وێنەیەکی بۆ PUKMEDIA نێردراوە، ژووری بازرگانی وپیشەسازی سلێمانی رایگەیاندووە:" وەک ھەموولایەک ئاگادارن لەماوەکانی رابردوودا بازرگانێکی شاری سلێمانی لەلایەن چەند چەکدارێکەوە بەشێوەیەکی نایاسایی و دوورلەھەموو بەھایەکی کۆمەڵایەتی دەستدرێژی کرایە سەرو بەسەختی بریندارکرا، ئێمە وەک ژووری بازرگانی وپیشەسازی سلێمانی وێرای ئیدانەکردنی ئەم دەستدرێژیەی کراوەتە سەر یەکێک لەبازرگانەکانی شاری سلێمانی لەھەمان کاتدابەئەرکی خۆماندەزانین بەرگری لەھەموو مافەکانی (بازرگانان ـ پیشەوەران ـوەبەرھێنەران) بکەین بەبێ جیاوازی".

راشیگەیاندووە:" لێرەدا وەک ژووری بازرگانی وپیشەسازی سلێمانی بڕیاری ئەمڕۆی دادگا کە فەرمانی دەستگیرکردنی(تومه تباران)ی دەرکردووە بەرزدەنرخێنین وسوپاسی ھەموولایەنێکی پەیوەندیدار دەکەین کەبەوپەڕی بەرپرسیارێتیەوەداکۆکیان لەم دۆسیە ھەستیارەکرد بۆچەسپاندنی سەروەری یاسا".

هەر لەراگەیەنراوەکەدا ژووری بازرگانی و پیشەسازی سلێمانی ئاماژەی بەوەشکردووە:" دەستخوشى لە بەرێزان سەرۆکی يەكێتی نيشتيمانى كوردستان بەڕێز بافڵ جەلال تاڵەبانی و جێگری سەرۆکی  حكومەتى هەرێمی كوردستان بەڕێز قوباد تاڵەبانى دەكەين بۆ پاڵپشتی كردنيان  بۆباڵادەستبوون و سەوەرى ياسا، سەلمانديان كەشارى سلێمانى ژينگەيەكى هێمن و  لەباره بۆ سەرجەم وەبەرهينەران و سەرمايەدار و بازرگان وكاسبكارێك کە سەروەت و سامانيان هەميشەپاريزراوه".

PUKMEDIA