هەڵگرانی بڕوانامەی ماستەر و دکتۆرا دادەمەزرێن

ئاژانسەکان

خوێندنی باڵا

بەهەوڵی ئەندامێکی فراکسیۆنی یەکێتی لە ئەنجومەنی نوێنەران، هەلی دامەزراندن بۆ هەڵگرانی بڕوانامەی ماستەر و دکتۆرا لە هەرێمی کوردستان دەکرێتەوەو ئەندامەکەش رایدەگەیەنێت: "سەرجەم هەڵگرانی بڕوانامەی خوێندنی باڵای ماستەر و دکتۆرای دانیشتوی هەرێمی کوردستان مافیان هەیە داوای دامەزراندن پێشەکەش بکەن".

بەدریە حسێن ئەندامی فراکسیۆنی یەکێتیی نیشتمانیی کوردستان لە لیژنەی خوێندنی باڵای پەرلەمانی عیراق بە سایتی رەسمی یەکێتی PUKMEDIA ی راگەیاند: "بەهەوڵی فراکسیۆنی یەکێتی لە ئەنجومەنی نوێنەرانی عیراق هەلی دامەزراندن بۆ هەڵگرانی بڕوانامەی خوێندنی باڵا (ماستەر و دکتۆرا)ی دانیشتوی هەرێمی کوردستان  دەکرێتەوە".

"سەرجەم هەڵگرانی بڕوانامەی خوێندنی باڵای ماستەر و دکتۆرای دانیشتوی هەرێمی کوردستان، مافیان هەیە و دەتوانن لە ڕێگەی ئەنجومەنی ڕاژەی فیدراڵییەوە داوای دامەزراندن پێشکەش بکەن، بە مەرجێک ئامادەبن لە دامودەزگاکانی حکومەتی فیدراڵی کاربکەن"، بەدرییە حسێن وای وت.

ئەندامەکەی لیژنەی خوێندنی باڵای نوێنەرانی عیراق ئاماژە بەوەش دەکات: "لینکی دامەزراندن لە 15-3-2024 دەکرێتەوەو بۆ ماوەی 21 رۆژ بەردەوام دەبێت و تەنها خوێندکاری ئەو زانکۆیانە دەکرێتەوە کە دانپێدانراون لەلایەن وەزارەتی خوێندنی باڵای فیدراڵییەوە".

PUKMEDIA