سه‌رۆك كۆمارو سه‌رۆك وه‌زیران: عیراق نەبێتە گۆڕەپانی ململانێکان

راگەیاندنی سەرۆککۆمار

سەرۆک وەزیران و سەرۆک کۆمار

سەرۆككۆمار و سەرۆكوەزیرانی عیراق بەگرنگی دەزانن عیراق نەبێتە گۆرەپانی ململانێكان و" پێویستە کاربکرێت بۆ بەردەوامیدان بە هەموو ئەو هەوڵانەی سەروەری و سەقامگیری و ئاسایشی وڵات دەپارێزن".

د.لەتیف جەمال رەشید سەرۆك كۆمار و محەمەد شیاع سودانی سەرۆكوەزیران لەدیدراێكیاندا كە رۆژی 28/1/2024 بەرێوەچووە، بارودۆخی عیراق و پێشهاتی ناوچەكەیان تاووتوێكردووە.

بەگوێرەی راگەیەندراوێكی رۆژنامەوانی نوسینگەی سەرۆككۆمار كەوێنەیەكی بۆ سایتی رەسمی یەكێتیی نیشتمانیی كوردستان PUKMEDIA نێردراوە، سەرۆككۆمار و سەرۆكوەزیران بەگرنگی دەزانن: "عیراق نەبێتە گۆڕەپانی ململانێكان".

بەگوێرەی راگەیەندراوەكە لەودیدارەدا باسیش لە بارودۆخی گشتیی وڵات و هەنگاوەکانی جێبەجێکردنی بەرنامەی حکومەت و پێداچوونەوە بە پلان و پڕۆژەکانی حکومەت بۆ قۆناغی داهاتوو کراوە، کە ئامانجیان "بەدیهێنانی گەشەپێدان و باشترکردنی رەوشی ژیان و خزمەتگوزاریی شایستەیە بۆ رۆڵەکانی گەل".

PUKMEDIA