کۆمسیۆن دەرگای تانە بۆ لایەنەکان دەکاتەوە

PUKMEDIA

لۆگۆی کۆمسیۆن

لایه‌نه‌كانی بەشداربووی هەڵبژاردنەکانی ئەنجومەنی پارێزگاکان ماوەی 3 رۆژیان لەبەردەمدایە لە ده‌سته‌ی دادوه‌ری سكاڵا له‌سه‌ر ئه‌نجامه‌كانی هەڵبژاردن تۆمار بكه‌ن، ئەویش دوای سێ رۆژ لە ڕاگەیاندنی ئەنجامەکان.

بەگوێرەی زانیارییەکانی سایتی رەسمی یەكێتیی نیشتمانیی كوردستان PUKMEDIA کە لە کۆمسیۆنی باڵای سەربەخۆی هەڵبژاردنەکانی عێراق دەستیکەوتووە، دوای سێ رۆژ لە ڕاگەیاندنی ئەنجامەکانی هەڵبژادن دەرگای تانەدان دەکرێتەوە" 

جومانە غلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە PUKMEDIA ی راگەیاند:"دوای ڕاگەیاندنی ئەنجامەکانی هەڵبژاردن کە شەوی رابردوو بوو، دوای سێ رۆژ دەرگای تانەدان بەڕووی لایەنە سیاسییەکانی بەشداری هەڵبژاردندا دەکرێتەوە، کەماوەی سێ رۆژ دەخایەنێت".

"کۆمسیۆنی باڵای سەربەخۆی هەڵبژاردنەکان زیاتر لە 453 سکاڵای لە هەڵبژاردنی ئەنجومەنی پارێزگاکانی عیراق بەدەست گەیشتووە، کە لەو سکاڵایانە هیچ سورێکی تێدا نەبووە"، جومانە غلای وای وت.

PUKMEDIA