مەكتەبی سیاسی: ئاڵای كوردستان هێمای خۆڕاگری و یەكێتی گەلەكەمانە

PUKMEDIA

لۆگۆی یەكێتیی نیشتمانیی كوردستان

مەكتەبی سیاسی یەكێتیی نیشتمانیی كوردستان بۆ رۆژی ئالای كوردستان پەیامێكی بڵاوكردەوە و رایگەیاند: "لە پێناو شەكانەوەی ئەم ئاڵایەدا، پێویستە هەموو لایەنە سیاسییەكان و خەڵكی كوردستان لەدەوری ئامانجە باڵاكان و بەرژەوەندییە گشتییەكان هاودەنگ و هاوهەڵویستنبن، تا بە یەكێتی و یەكگرتوویی پارێزگاری لە ئەزمون و قەوارەی هەرێم بكەین".

دەقی پەیامەكە:

17 دیسەمبەری هەموو ساڵێك رۆژی شەكانەوەی ئاڵای كوردستانە، لەم رۆژە شكۆمەندە  سەری رێز و وەفا دادەنوێنین لە ئاست گڵكۆی هەموو شەهیدانی كورد و كوردستان، ئەوانەی لەپێناو بەرز راگرتنی ئەم ئاڵا پیرۆزە گیانی خۆیان كردە قوربانی، سڵاوی ئەمەك و وەفاداری دەنێرین بۆ هەموو پێشمەرگەی كوردستان و زیندانی سیاسی و تێكۆشەرانی كوردستان.

لە پێناو شەكانەوەی ئەم ئاڵایە، كە هێمای خۆڕاگری و یەكێتی گەلەكەمانە، پێویستە هەموو لایەنە سیاسییەكان و خەڵكی كوردستان لەدەوری ئامانجە باڵاكان و بەرژەوەندییە گشتییەكان هاودەنگ و هاوهەڵویستن بن، تا بە یەكێتی و یەكگرتوویی پارێزگاری لە ئەزمون و قەوارەی هەرێمی كوردستان بكەین.


مەكتەبی سیاسیی 
یەكێتیی نیشتمانیی كوردستان

PUKMEDIA