لە سلێمانی و هەولێر دەنگدانی تایبەت ئەنجامدەدرێت

PUKMEDIA

هەڵبژاردن

لەشاری سلێمانی و هەولێریش هاوشێوەی پارێزگاکانی دیکە ئامادەکارییەکان بۆ دەنگدانی تایبەتی هەڵبژاردنی ئەنجومەنی پارێزگاکانی عیراق کراوە و بڕیارە سبەینێ دەنگدانی تایبەت ئەنجام بدرێت.

بەپێی زانیارییەکانی PUKMEDIA، لەچەند رۆژی رابردووەوە کۆمسیۆنی باڵای سەربەخۆی هەڵبژاردنەکانی عیراق سەرجەم ئامادەکارییەکانی لەشاری سلێمانی تەواوکردووە و سبەینێ ١٦-١٢-٢٠٢٣ لەسەعات ٧:٠٠ی بەیانی تا ٦:٠٠ی ئێوارە دەنگدانی تایبەت دەستپێدەکات و بۆ ئەو مەبەستەش لەناو سەنتەری شاری سلێمانی ٥ بنکە و لەتەواوی شارەکە ٢٠ بنکە بۆ دەنگدانی تایبەتی ئاوارەکان و هێزە ئەمنییەکان  ئامادەکراون، کە ژمارەیان زیاتر لە ٢٧ هەزار دەنگدەر دەبێت و سەرجەم رێکارە پێویستی و ئەمنییەکانیش گیراونەتە بەر.


هاوکات سبەینێ ١٦-١٢-٢٠٢٣ لەشاری هەولێریش هاوشێوەی شارەکانی تری هەرێمی کوردستان لەسەعات ٧:٠٠ی بەیانی تا ٦:٠٠ی ئێوارە دەنگدانی تایبەت دەستپێدەکات و زیاتر لە ٢٠ هەزار و ٥١٥ کەس مافی دەنگدانیان هەیە، لەو رێژەیەش زیاتر لە ٥ هەزار دەنگدەریان هاووڵاتین و ١٥ هەزار و ٥١٥ دەنگدەریشیان هێزە ئەمنییەکانن، هەروەها ١٩ بنکە لە تەواوی شاری هەولێر ئامادەکراون کە ٧ بنکەیان بۆ ئەو هاووڵاتیانەن کە کۆبۆنی خۆراکیان دەرەوەی ئیدارەی هەرێمە و لە هەولێر نیشتەجێن و ١٢ بنکەشیان بۆ دەنگدانی تایبەتە و سەرجەم رێکارە پێویستی و ئەمنییەکانیش گیراونەتە بەر.

PUKMEDIA