بڕ‌یاره‌ سه‌رۆكی په‌رله‌مانی عیراق هه‌ڵبژێردرێت

PUKMEDIA

بینای ئەنجومەنی نوێنەرانی عیراق

بڕ‌یاره‌ له‌ئه‌م هه‌فته‌یه‌دا ئه‌نجومه‌نی نوێنه‌رانی عیراق كۆببێته‌وه‌و سه‌رۆكێكی نوێی په‌رله‌مان هه‌ڵبژێردرێت و سوننه‌كانیش 3 كاندیدیان هه‌یه‌ بۆ ئه‌و پۆسته‌ كه‌ به‌ركه‌وته‌یانه‌ له‌پۆسته‌ باڵاكانی عیراق.

كاروان یاروه‌یس ئه‌ندامی ئه‌نجومه‌نی نوێنه‌رانی عیراق به‌سایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند:" گفتوگۆ و جموجۆڵی سیاسی به‌رده‌وامه‌ بۆ رێككه‌وتنی سیاسی له‌سه‌ر ده‌ستنیشانكردنی كاندیدێك بۆ پۆستی سه‌رۆكی ئه‌نجومه‌نی نوێنه‌رانی عیراق كه‌ پشكی سوننه‌كانه‌".

" هێزه‌ سوننه‌كانی عیراق تائێستا 3 كاندیدیان بۆ پۆستی سه‌رۆكی په‌رله‌مان هه‌یه‌ و ده‌نگۆی كاندیدێكی دیكه‌ش هه‌یه‌ كه‌ په‌رله‌مانتارن و دێنه‌ ناوپرۆسه‌كه‌وه‌" كاروان یاروه‌یس وایوت. 

به‌گوێره‌ی زانیارییه‌كانی ئه‌و په‌رله‌مانتاره‌ی عیراق ئه‌گه‌ری زۆره‌ رۆژی سێشه‌ممه‌ 12/12/2023 ئه‌نجومه‌نی نوێنه‌ران كۆببێته‌وه‌و سه‌رۆكی په‌رله‌مان له‌و دانیشتنه‌ چاوه‌ڕوانكراوه‌دا هه‌ڵبژێردرێت.

د. بڕیار رەشید ئەندامی ئەنجومەنی نوێنەرانی عیراق به‌سایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند:" بڕیارە رۆژی سێشەمە ١٢-١٢-٢٠٢٣ هەڵبژاردن بۆ سەرۆکی پەرلەمانی عیراق ئەنجام بدرێت و  پاش کامێکی تریش ئەو بڕگەیە بخریتە ناو کارنامەی دانیشتنی پەرلەمانەوە".

 
رۆژی 14ی تشرینی دووه‌می 2023 له‌سه‌ر سكاڵای په‌رله‌مانتار له‌یس دلێمی، دادگای فیدراڵی عیراق بڕ‌یاریدا به‌ كۆتاییهێنان به‌ ئه‌ندامییه‌تی محه‌مه‌د حه‌لبوسی له‌ په‌رله‌مانی عیراق، كه‌ سه‌رۆكی ئه‌نجومه‌نی نوێنه‌ران بوو.

PUKMEDIA