كاندیدەكانی هاوپەیمانی یەكێتی خەڵكی نەینەوا لەشنگال ناسێندران

PUKMEDIA

ناساندنی كاندیدەكانی هاوپەیمانی یەكێتی خەڵكی نەینەوا لەشنگال

نیوەڕۆی 6ی12ی2023 لەناحیەی سونونێ لەمەڕاسیمێكی جەماوەریدا بەئامادەبوونی سەركەوت زەكی لێپرسراوی مەكتەبی سیاسی و ئاراس محەمەد ئاغا سەرۆكی قەوارەی هاوپەیمانی یەكێتی خەڵكی نەینەوا (اتحاد اهل نینوی) و شێخ داود جندی لێپرسراوی مەڵبەندی شەنگال و ژمارەیەك لە ئەندامانی ئەنجومەنی نوێنەرانی عیراق و كەسایەتییە دیارەكانی قەزای شەنگال دانیشتووانی سنوورەكە لەهۆلی بۆنەكان بۆناساندنی كاندیدەكانی سنووری قەزای شەنگال بەڕێوەچوو.

لەومەڕاسیمەدا سەركەوت زەكی وتاری یەكێتیی نیشتمانیی كوردستان وئاراس محەمود ئاغا وتاری هاوپەیمانی یەكێتی خەڵكی نەینەوا و شێخ داود جندی وتاری مەڵبەدی شەنگال و چەندین وتاری دیكە خوێندرانەوە كە تەئكیدكردنەوە بوو لەسەر پشتیوانی لەلیستی هاوپەیمانی یەكێتی خەڵكی نەینەوا ژمارە ١٣٤ كردووە و داوایانكرد دەنگەكانیان بۆ لیستی ژمارە ١٣٤ بێت تا لەداهاتوودا خزمەت بەشارەكەیان بكەن.

لەكۆتایی مەڕاسیمەكەدا كاندیدەكانی هاوپەیمانی یەكێتی خەڵكی نەینەوا لە قەزای شەنگال خۆیان ناساند و هەموولایەك پشتیوانی خۆیان بۆ هاوپەیمانی خەڵكی نەینەوا دووپاتكردەوە و ئامادەبوان بەڵێنیان دا دەنگ بەهاوپەیمانی یەكێتی خەڵكی نەینەوا بدەن و كاندیدەكانی سەربخەن.

كێتبی مام جەلال لەوەڵامی ٧٤ پرسیاردا لەشنگال ناسێندرا

هەر لە مەڕاسیمەكەدا بە ئامادەبوونی سەركەوت زەكی ئەندامی مەكتەبی سیاسی و لێپرسراوی مەكتەبی رێكخستن لەقەزای شنگال  كتێبی (مام جەلال لەوەڵامی ٧٤پرسیاردا) ناسێدرا و وەك دیارییەكی دامەزراوەی سەرۆك جەلال تاڵەبانی و مەكتەبی رێكخستنی یەكێتی بە هەرسێ زمانی كوردی، عەرەبی و ئینگلیزی پێشكەش بەئامادەبووان كرا.

لای خۆیەوە داود جندی لێپرسراوی مەڵبەندی شنگال سوپاسی دامەزراوەی سەرۆك جەلال تاڵەبانی و مەكتەبی رێكخستنی كرد بۆ ئەو دیارییە بەنرخ و پڕبایاخە كە گەورەترین دیارییە بۆ شنگال و شنگالییەكان.

دواتر رێبوار ستار ئامادەكاری كتێبەكە باسی لە بیرۆكەی بەچاپگەیاندن و گرنگی ئەم كتێبەی كرد و رایگەیاند: "كتێبە وەك دیارییەك پێشكەش بەشنگالییەكان دەكرێت، چونكە سەرۆك مام جەلال هەمیشە پشتیوانییەكی بەهێزی شنگال و ئێزدییەكان و هەموو كۆمەڵانی خەڵكی سنوورەكە بووە، وەك پشتیوانییەكیش لە لیستی ١٣٤ی (اتحاد اهل نینوی) و كاندیدەكانییەتی".

PUKMEDIAٍٍ