پارتێکی سیاسی کوردستان دەنگەکانی دەداتە لیستەکانی یەکێتی

PUKMEDIA

لیست و هاوپەیمانێتییەکانی یەکێتی

پارتێکی سیاسی کوردستان داوا لە دەنگدەرانی دەکات دەنگی خۆیان بدەن بە کاندیدانی یەکێتیی نیشتمانیی کوردستان لە هەڵبژاردنی ئەنجومەنی پارێزگاکانی عیراق.

ئەمڕۆ سێ شەممە 5-12-2023 مەکتەبی سیاسی پارتی نەتەوەیی کوردستان لە راگەیەندراوێکدا رایانگەیاند: "بۆ پاراستنی پێگەی راستەقینەی کورد لە ناوچە جێناکۆکەکان و بەتایبەت کەرکوک و بەهێزبونی لەبەغدا هەوڵدەدەین بۆ سەرخستنی کاندیدانی یەکێتیی نیشتمانیی کوردستان لە هەڵبژاردنی ئەنجومەنی پارێزگاکانی عیراق".

ئاماژە بەوەش دەکەن: "لە رابردوودا یەکێتیی نیشتمانیی کوردستان خاوەنی زۆرترین دەنگی کوردی ناوچە جێناکۆکەکان بووەو هیچ کاتێک و لەهیچ بارودۆخێکی نەخوازراو خەڵکی خۆیان بەجێ نەهێشتوەو پارێزگارییان لە مافە رەواکانیان کردووە، بۆیە داوا لە لایەنگران و دۆستان و ئەندامانی پارتەکەمان دەکەین متمانەی خۆیان بدەنە کاندیدانی یەکێتی".

دەقی راگەیەندراوەکە بە وێنە:

PUKMEDIA