رەفعەت عەبدوڵڵا: یەکێتی داکۆکی لە کوردستانی بوونی جێناکۆکەکان دەکات

PUKMEDIA

هەڤاڵان و کاندیدانی یەکێتی لە داقوق

سه‌رله‌به‌یانی رۆژی دوو شه‌ممه‌ ٢٧-١١-٢٠٢٣ به‌ سه‌رپه‌رشتی ره‌فعه‌ت عه‌بدوڵڵا ئه‌ندامی مه‌كته‌بی سیاسی و ئاسۆ مامه‌ند سه‌رۆكی قه‌واره‌ی هاوپه‌یمانی كه‌ركوك هێز و ئیراده‌مانه‌، به‌ئاماده‌بوونی ژماره‌یه‌ك له‌په‌رله‌مانتارانی یه‌كێتی و كاندیدانی هاوپه‌یمانیی كه‌ركوك هێز و ئیراده‌مانه‌، له‌ مه‌ڵبه‌ندی 18ی رۆژهه‌ڵات له‌ قه‌زای داقوق له‌گه‌ڵ ژماره‌یه‌ك له‌ كه‌سایه‌تی سنوره‌كه‌ كۆبوونه‌وه‌یه‌كی به‌رفراوان بۆ پاڵپشتیكردن له‌ كاندیدانی هاوپه‌یمانیی كه‌ركوك هێز و ئیراده‌مانه‌ به‌ڕ‌ێوه‌چوو.

له‌ كۆبوونه‌وه‌كه‌دا ره‌فعه‌ت عه‌بدوڵڵا باسی له‌ دڵسۆزی و خۆڕ‌اگری كوردانی داقوق و ده‌ورووبه‌ری كرد و جه‌ختی كرده‌وه‌: "یه‌كێتی داكۆكی له‌ كوردستانی بوونی داقوق و كه‌ركوك و سه‌رجه‌م ناوچه‌ جێناكۆكه‌كانی دیكه‌ ده‌كات و له‌و پێناوه‌شدا قوربانی زۆری به‌خشیووه‌، دڵنیایشی كردنه‌وه‌؛ كه‌ به‌ هیچ شێوه‌یه‌ك یه‌كێتی سازش له‌سه‌ر خواست و مافه‌كانی كوردانی داقوق و ده‌ورووبه‌ری ناكات و به‌رگریان لێده‌كات".

له‌ ته‌وه‌رێكی دیكه‌ی كۆبوونه‌وه‌كه‌دا ئاسۆ مامه‌ند رایگه‌یاند:"بۆ ئه‌وه‌ی پارێزگاری له‌ كوردستانیی بوونی داقوق و ده‌ورووبه‌ری بكه‌ین، ده‌بێت له‌م هه‌ڵبژاردنه‌دا رۆڵی كارامان هه‌بێت و ده‌نگ به‌ كاندیدانی لیستی ژماره‌ ١٤٢ی هاوپه‌یمانی كه‌ركوك هێز و ئیراده‌مانه‌ بده‌ین و له‌ رێی ئه‌م هه‌ڵبژاردنه‌وه‌ ده‌سه‌ڵات وه‌ربگرینه‌وه‌و كۆتایی به‌و سته‌مه‌ بهێنین كه‌ چه‌ندین ساڵه‌ رووبه‌ڕ‌ووی داقوق و دانیشتوانه‌ ره‌سه‌نه‌كه‌ی ده‌بێته‌وه‌".

لای خۆشیانه‌وه‌ كاندیدانی لیستی ژماره‌ ١٤٢ی هاوپه‌یمانی كه‌ركوك هێز و ئیراده‌مانه‌، ته‌ئكیدیان كرده‌وه‌؛ كه‌ ده‌بنه‌ پارێزه‌ر و به‌رگریكارێكی سه‌رسه‌ختی خواست و مافه‌كانی دانیشتوانی داقوق و ده‌وروبه‌ری و ئه‌و سته‌م و نادادییه‌ی كه‌ به‌رامبه‌ریان ده‌كرێت كۆتایی پێ ده‌هێنن به‌تایبه‌تیش چاره‌سه‌ركردنی كێشه‌ی زه‌وی و زاری جوتیارانی ناوچه‌كه‌.

PUKMEDIA