ئاراس محەمەد ئاغا: ھاوپەیمانی یەكێتی خەڵكی نەینەوا نوێنەری پێكھاتەكانە

PUKMEDIA

سەردانی سەرۆكی ھاوپەیمانی یەكێتی خەڵكی نەینەوا بۆ لای چین و توێژەكان

ئاراس محەمەد ئاغا سەرۆكی ھاوپەیمانی یەكێتی خەڵكی نەینەوا، لە چوارچێوەی دیدارو سەردانە مەیدانییەكانی بۆ لای چین و توێژەكانی نەینەوا و دەوروبەری بەمەبەستی بانگەشە و سەرخستنی ھاوپەیمانییەكە بەھاوڕێیەتی كاندیدان (ئەحمەەد رەشید و شێخ ئیبراھیم ئەلبەدرانی) سەردانی خزمانی بەدرانی و جبوری كرد.

 لە وتەیەكیشیدا ئاراس محەمەد ئاغا رۆڵی خزمانی جبور و بەدرانی لە خەبات و قوربانیدان و ئاشتەوایی كۆمەڵایەتی و ھاوكاری خەڵكی شارەكە بەرزنرخاند و رایگەیاند : "ھاوپەیمانییەكەمان نوێنەری راستەقینەی گشت پیكھاتەكانی نەینەوا دەبێت، دەبێتە زامنی بەدەستھێنانی مافی خەڵكی نەینەوا بەگشت پێكھاتە و نەتەوە جیاوازەكانییەوە" .

وتیشی: "پێویستە ھەموان پشتیوانی لە ھاوپەیمانی یەكێتی خەڵكی نەینەوا و كاندیدانی بكەن بۆ ئەوەی لە ئەنجومەنی پارێزگا خزمەتی ئێوە و شاری نەینەوا بكەن بەبێ جیاوازی".

 لەلایەن خۆشیانەوە خزمانی بەدرانی و جبور بەڵێنی پشتیوانی و سەرخستنی ھاوپەیمانی یەكێتی خەڵكی نەینەوا و كاندیدانی بكەن، چونكە دڵنیان كە ئەو لیستە دەبێتە داكۆكیكارێكی بەهێز لە ماف و خواستە رەواكانی هاووڵاتییانی پارێزگای نەینەوا.

PUKMEDIA