لەسەر راسپاردەی قوباد تاڵەبانی وێستگەیەكی كارەبا لە قادركەرەم كرایەوە

PUKMEDIA

شاڵاو كۆسرەت رەسوڵ و رەمك رەمەزان قائیمقامی چەمچەماڵ

لەسەر راسپاردەی قوباد تاڵەبانی جێگری سەرۆكی حكومەت وێستگەیەكی كارەبا لەناحیەی قادركەرەم دروستكراو خرایە خزمەتی خەڵكی سنوورەكەوە.

رۆژی ١٥/ ١١/ ٢٠٢٣ لە ناحیەی قادركەرەم و بە ئامادەبوونی شاڵاو كۆسرەت رەسوڵ و ئەحمەد موفتی بریكاری وەزارەتی سامانە سروشتییەكان و لێپرسراوانی باڵای وەزارەت و كۆمپانیای كرسنت پترۆلیۆم/دانەغاز و رەمك رەمەزان قائیمقامی چەمچەماڵ و بەڕێوەبەری ناحیەی قادركەرەم و لێپرسراوانی كارەبا و فەرمانگەكانی سنوورەكە، وێستگەی كارەبای ناحیەی قادركەرەم كرایەوە.

وێستگەكە 33/11,5 KV و بەتوانای 10mva لەسەر داوای ئیدارەی چەمچەماڵ و بە راسپاردەی قوباد تاڵەبانی جێگری سەرۆكی حكومەت و بە فەرمانی وەزارەتی سامانە سروشتییەكان و لەچوارچێوەی پڕۆژە كۆمەڵایەتییەكانی كۆمپانیای دانەغاز بە گوژمەی یەك ملیۆن دۆلار دروستكراوە.

ئەم وێستگەیە هەنگاوێكی گرنگە بۆ بەستنەوەی ناحیەی قادركەرەم و گوندەكانی بە كارەبای نیشتیمانی و چارەسەركردنی كێشەكانی بارزۆری و پچرانی كارەبا لەو ناحیەدا.

لە وتەیەكدا قائیمقامی چەمچەماڵ سوپاسی پاڵپشتی جێگری سەرۆكی حكومەت و وەزارەتی كارەبا و سامانە سروشتییەكان و كۆمپانیای كرسنت پترۆڵیۆم دانەغاز ی كرد بۆ ئەم پڕۆژەیە، داواشیكرد لەلایەن حكومەتی هەرێمەوە زیاتر گرنگی بە سنوری قەزای چەمچەماڵ بدرێت و خزمەتی هاووڵاتیانی ناوچەكە بكرێت.

PUKMEDIA