هاوپەیمانی کەرکوک هێز و ئیرادەمانە: لەخەمی ناسنامەی نەتەوەیی کەرکوکین

PUKMEDIA

هاوپەیمانی کەرکوک هێزی و ئیرادەمانە

ئەمڕۆ پێنج شەممە 8-11-2023 لیستی 142ی هاوپەیمانی كەركوك هێزی و ئیرادەمانە پەیامێک بڵاو دەکاتەوەو تێیدا رایدەگەیەنێت: "ئەرکی سەرەکییەم هەموو ئۆرگان و هۆگرانی یەکێتی هەموو تواناکانی یەکێتی تەرخانی نەبەردی ناسنامەی نەتەوەیی بن لە کەرکوک، چونکە تیمی 142 لە جیاتی هەموو یەکێتی و یەکێتییەکانیش لە جیاتی هەموو کورد، ئەم شاییە دیموکراتییەی هەڵبژاردن بەرپا دەکەن".

دەقی پەیامەکە.....

پەیامی ئەمڕۆ

هەموو یەکێتی لە کەرکوک دەبن، هەموو ئەندامان و دڵسۆزانی یەکێتی لە کەرکوک دەبن . لەبەرەی پێشەوەی نەبەردی دیموکراتی هەڵبژاردن دەبن لە کەرکوک و ناوچە دابڕاوەکان(خانەقین، خورماتوو، شەنگال، مەخموور، شێخان و تەواوی موسڵ)، ئەم دەڤەرانەی نیشتمان گشتی گرنگن، بێگومان لە کەرکوک پشتیوانی لە تیمی 142پاڵپشتییەکە بۆ هەموو نەتەوە.

ئەرکی سەرەکییە هەموو ئۆرگان و هۆگرانی یەکێتی، هەموو تواناکانی یەکێتی تەرخانی نەبەردی ناسنامەی نەتەوەیی بن لە کەرکوک، چونکە تیمی 142 لە جیاتی هەموو یەکێتی و یەکێتییەکانیش لە جیاتی هەموو کورد ئەم شاییە دیموکراتییەی هەڵبژاردن بەرپا دەکەن.

بڕیاری یەکدەستی یەکێتی و بڕیاری سەرۆکی یەکێتی هەڤاڵ بافڵ جەلال تاڵەبانییە کە گشتمان لە کەرکوک دەبین، گشتمان خاوەن ماڵین و خاوەن ئیرادەین بۆ سەرخستنی لیستی هاوپەیمانی (کەرکوک هێز و ئیرادەمانە).

ماڵی کەرکوکی ئاوەدانە و هەموو خەڵکی کوردستانیش خاوەنی کەرکوکن. شەهیدان(لیوا حسێن مەنسور، لیوا شێرکۆ فاتیح شوانی، لیوا کەمال حاجی، لیوا سەلاح دیلمانی) و دەیان ئەفسەر و پێشمەرگەی تر لەوپەڕی سنووری کوردستانەوە تا ئەمپەڕی حەمرین لە کەرکوک خوێنیان بەخشی، ئێستا کوڕان و کچانی یەکێتی بە هەمان ئیرادە و هێز لە کەرکوک دەبن بۆ پشتیوانی (هاوپەیمانی کەرکوک هێز و ئیرادەمانە) .

دە سەربەرزبە ئەی هەڤاڵی یەکێتی هەمیشە لە ئامادەباشی ئەم نەبەردییەی ناسنامە و خزمەتی کەرکوک بە.

PUKMEDIA