قوباد تاڵەبانی: رێگری لە پیشێلکاری ژینگەیی بکرێت

PUKMEDIA

کۆبونەوەی قوباد تاڵەبانی تایبەت بە بواری ژینگە

قوباد تاڵەبانی، جێگری سەرۆک وەزیران، سەرپەرشتی کۆبوونەوەیەکی تایبەت بە بواری ژینگەی کرد و لە کۆبوونەوەکەدا گفتوگۆکرا لەبارەی رێنماییە نوێیەکانی بواری ژینگە  و جەخت لە جێبەجێ کردنیان کرایەوە, بۆ ئەوەی باشتر رێگری لە هەر پێشێلکارییەکی ژینگەیی بکرێت.


لە کۆبوونەوەکەدا کە ئەمڕۆ ٦ی نۆڤەمبەری ٢٠٢٣ لە هەولێر بەڕێوەچوو و تیایدا سەرۆکی دەستەی ژینگە و وەزیر و لایەنە پەیوەندیدارەکان ئامادەی بوون، راپۆرتێک سەبارەت بە رێکار و رێنماییە نوێیەکانی بواری ژینگە خرایەڕوو.


جێگری سەرۆک وەزیران ئاماژەی بەوەدا یەکێک لە هۆکارەکانی لاوازبوونی پابەندی بە رێنماییە ژینگەییەکان، نەبوونی هەماهەنگی و  چاودێری وردە لەسەر ئەو پڕۆژانەی جێبەجێ دەکرێن، بۆیە دەبێت میکانیزمێکی گونجاو هەبێت لەنێوان لایەنە پەیوەندیدارەکان تا بەردەوام چاودێری پڕۆژەکان بکرێت بۆ دڵنیابوونەوە لەسەر پابەندبوونیان بەو پێوەرە ژینگەییانەی کە دیاری کراون.
 

لە بەشێکی دیکەی کۆبوونەوەکەدا گفتوگۆکرا لەبارەی میکانیزمی جێبەجێ کردنی رێنماییە نوێیەکان و جەخت کرایەوە لەسەر ئەوەی رێنماییەکان ئاراستەی وەزارەت و دامودەزگاکانی حکومەت و لایەنە پەیوەندیدارەکان بکرێت بە مەبەستی جێبەجێ کردنیان تا رێگری بکرێت لە پێشلکارییە ژینگەییەکان.

PUKMEDIA