سەعدی پیرە: سبەینێ یەکێتی و پارتی کۆدەبنەوە

ئەرشیف

سەعدی ئەحمەد پیرە

لەسەر راسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان و وەک دەستپێشخەرییەک، بڕیارە سبەینێ سێشەممە ٧-١١-٢٠٢٣ وەفدی باڵای یەکێتی و پارتی لە پیرمام کۆببنەوە، ئەمەش لەچوارچێوەی راسپاردەکانی پێنجەمین کۆنگرەی یەکێتی دێت کە تێیدا بڕیادرا وەفدی یەکێتی سەردانی لایەنەکان بکات.

سەعدی ئەحمەد پیرە وتەبێژی یەکێتیی نیشتمانیی کوردستان لە لێدوانێکی تایبەتدا بە سایتی رەسمیی یەکێتیی نیشتمانیی کوردستان PUKMEDIA ی راگەیاند:" بڕیارە سبەینێ یەکێتیی نیشتمانیی کوردستان و پارتی دیموکراتی کوردستان لەسەر ئاستی باڵا لەپیرمام کۆببنەوە".

"لە کۆبوونەوەکەدا چەند بابەتێکی گرنگ تایبەت بە پەیوەندییەکانی نێوان هەردوولا و بارودۆخی ئێستای هەرێم و عیراق و ناوچەکە گفتوگۆی لەبارەوە دەکرێت"، سەعدی ئەحمەد پیرە وایوت.

پێشتریش نێچیرڤان بارزانی سەرۆکی هەرێمی کوردستان لە کۆنگرەیەکی رۆژنامەوانیدا کەرۆژی هەینی لەفەڕەنسا بەڕێوەچوو رایگەیاندبوو: لەم هەفتەیەدا یەکێتی و پارتی بۆ گفتوگۆکردن لەسەر چەند پرسێکی گرنگ کۆدەبنەوە".

له‌دوای به‌ستنی پێنجه‌مین كۆنگره‌ی یه‌كێتیی نیشتمانیی كوردستان و له‌یه‌كه‌م دانیشتنی ئه‌نجومه‌نی سه‌ركردایه‌تیدا، بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان رایگه‌یاند:" له‌گه‌ڵ لایه‌نه‌كان په‌ڕ‌ه‌یه‌كی نوێ بۆ خزمه‌تی خه‌ڵك هه‌ڵده‌ده‌ینه‌وه‌ و له‌وچوارچێوه‌یه‌شدا ده‌ستپێشخه‌ری یه‌كێتیی نیشتمانیی كوردستانی بۆ سه‌ردانی لایه‌نه‌كان راگه‌یاند و به‌پێی زانیارییه‌كانی PUKMEDIA یه‌كه‌م كۆبوونه‌وه‌ی یه‌كێتی له‌گه‌ڵ پارتی ده‌بێت و پاشانیش له‌گه‌ڵ لایه‌نه‌كانی دیكه‌ كۆده‌بێته‌وه‌.

PUKMEDIA