لێپرسراوانی سکرتاریەتی مەکتەبی سیاسی و بۆردەکانی راگەیاندن و هۆشیاری هەڵبژێردران

PUKMEDIA

مەکتەبی راگەیاندن

ئەمڕۆ پێنج شەممە 19-10-2023 مەکتەبی سیاسی یەکێتیی نیشتمانیی کوردستان بە سەرپەرشتی بافڵ جەلال تاڵەبانی سەرۆکی یەکێتیی نیشتمانیی کوردستان کۆبوەوەو تێیدا ستران عەبدوڵڵا ئەندامی سەرکردایەتی یەکێتی بە لێپرسراوی سکرتاریەتی مەکتەبی سیاسی یەکێتی هەڵبژاردرا، دوو هەڤاڵیش ئەرکی بۆردی راگەیاندن و هۆشیارییان پێ سپێردرا.

سەعدی ئەحمەد پیرە وتەبێژی یەکێتیی نیشتمانیی کوردستان بە سایتی رەسمی یەکێتیی نیشتمانیی کوردستان PUKMEDIA ی رایگەیاند: "لەکۆبونەوەی ئەمڕۆی مەکتەبی سیاسیدا ستران عەبدوڵڵا ئەندامی سەرکردایەتی یەکێتی بە لێپرسراوی سکرتاریەتی مەکتەبی سیاسی یەکێتی هەڵبژاردرا".

"هاوکات لەتیف نێروەیی ئەندامی سەرکردایەتی وەک لێپرسراوی بۆردی راگەیاندن و نەجمەدین فەقێ عەبدوڵڵا وەک لێپرسراوی بۆردی هۆشیاری هەڵبژێردران، کە هەردوو بۆردەکە سەربە مەکتەبی راگەیاندن و هۆشیارییە"، سەعدی پیرە وای وت.

 لەپێنجەمین کۆنگرەی یەکێتیی نیشتمانیی کوردستان و پەسەندکردنی پەیڕەوی ناوخۆی یەکێتی، مەکتەبی راگەیاندنی یەکێتی ناوەکەی گۆڕدرا بۆ مەکتەبی راگەیاند و هۆشیاری.

PUKMEDIA