محەمەدی حاجی مەحمود: یەکێتی هێزێکی کاریگەری ناوچەکەو ناوخۆیە

PUKMEDIA

سەعدی ئەحمەد پیرە و محەمەدی حاجی مەحمود

رۆژی ٥/١٠/٢٠٢٣ لە بارەگای مەکتەبی سیاسی یەکێتی نیشتیمانی کوردستان لە  هەولێر هەڤاڵان سەعدی ئەحمەد و ڕێباز بێرکۆتی ئەندامانی سەرکردایەتی یەکێتی پێشوازییان کرد لە  محەمەد حاجی مەحمود سەرۆکی پارتی سۆسیالت دیموکراتی کوردستان و وەفدێکی یاوەری . 

 لە دیدارێکەدا  محەمەد حاجی مەحمود سەرۆکی پارتی سۆشیالیست دیموکراتی کوردستان، پیرۆزبایی سەرکەوتنی کۆنگرەی پێنجەمی ئاراستەی یەکێتی نیشتیمانی کوردستان کرد و راگەیاند : "یەکێتی نیشتیمانی کوردستان لەسەر ئاستی هەرێمی کوردستان و عیراق و وڵاتانی ئیقلیمی و ناوچەکە خاوەن پێگەیەکی کاریگەرە، بە سەرکەوتنی کۆنگرەی پێنجەم دەتوانێ رۆڵێکی باشتر بۆ بەدەستهێنانی مافە دەستورییەکانی هەرێمی کوردستان و دروستکردنی یەکڕیزی و تەبایی لەنێوان لایەنە کوردستانییەکاندا بگێڕێت" و" بە ڕێزەوە یادی سەرۆک مام جەلال دەکەینەوە" . 


هەڤاڵ سەعدی ئەحمەد پیرە  رایگەیاند:" لە کۆنگرەدا  گفتۆگۆمان لەسەر ئەوەبووە هەرێمی کوردستان گرنگە بۆ هەموومان ، بەتایبەتی ئەو وتارانەی کە لە رۆژی یەکەمی کۆنگرە لەلایەن  سەرۆکی هەرێم و سەماحەتی عەممار ئەلحەکیم و حەیدەر عەبادی و قەیس خەزعەلی کە هەموویان بە ئاراستەی چارەسەکردنی کێشەکانی نێوان هەرێم و بەغدا ووتەکانیان پێشکەشکرد" ،وتیشی:" گرنگە کێشەکانی یەکێتی و پارتی بە گفتوگۆ چارەسەربکرێن و نێو ماڵی کورد رێکبخرێتەوە ".

PUKMEDIA