هەڵمەتی بەڵێ بۆ سەرۆك و پێنجەمین كۆنگرە دەستپێدەكات

PUKMEDIA

بەڕێوەچوونی هەڵمەتی بەڵێ بۆ سەرۆك و پێنجەمین كۆنگرەی یەكێتی

هەڵمەتی بەڵێ بۆ سەرۆك و پێنجەمین كۆنگرەی یەكێتی لە سۆشیاڵمیدیاوە وەك پشتگیرییەك بۆ سەركەوتنی كۆنگرە دەستیپێكردووە.

ئەڤین ماجید وەك پشتیوانییەك بۆ هەڵبژاردنەوەی بافڵ جەلال تاڵەبانی بە سەرۆكی یەكێتیی نیشتمانیی كوردستان و سەركەوتنی پێنجەمین كۆنگرەی یەكێتی، هەڵمەتی (بەڵێ)ی لە سۆشیاڵمیدیاوە دەستپێكردووە، لەبارەی هەڵمەتەكەشەوە بۆ PUKMEDIA وتی: "لەبەرامبەر ئەو كۆنگرە سەركەوتووەی یەكێتی ئەنجامیدا و تێیدا سەرۆك هەڵبژێردرا، هەموو ئەندامێكی یەكێتی و لایەنگرێك كە نەیانتوانیوە لە كۆنگرە بەشداربن، دەتوانن لەم هەڵمەتە بەشداربن و بەم شێوازە پشتیوانی لەسەرۆك بافڵ و سەركەوتنی كۆنگرە بكەن".

"وەك دانیشتوویەكی وڵاتی نەرویج و چاودێرێكی پێنجەمین كۆنگرەی یەكێتی لە تۆڕە كۆمەڵایەتییەكانەوە، جوانترین دیمەن كە لەكۆنگرەدا بینیم بەرزكردنەوەی وشەی بەڵی بوو،  هەر لەوەوە بۆم دەركەوت كە بەڵێ یەكێتی كۆدەنگی لە بڕیاریدا دەبێت، بۆیە هەڵمەتەكەم ناونا (بەڵێ)" ئەڤین ماجید وادەڵێت.

راشیگەیاند: "داواكارم لە هەڤاڵان و لایەنگران و ئەندامانی یەكێتیی نیشتمانیی كوردستان، پشتیوانی هەڵمەتەكە بكەن و تەنها بە چاپكردنی وشەی بەڵێ و بەرزكردنەوەی، بۆ ئەوەی هەر هەڤاڵێك هەست بە گرنگی و سەركەوتوویی پێنجەمین كۆنگرەی حزبەكەی بكات".

PUKMEDIA