سودانی: پابەندین بەیاسای بودجەوە

PUKMEDIA

محەمەد شیاع سودانی سەرۆک وەزیرانی عیراق

سەرۆك وەزیرانی عیراق رایدەگەیەنێت:" سورین لەسەر پابەندبوون بە یاسای بودجە و لەسەر بنەمای یاسای بودجە مامەڵە لەگەڵ بەشە بودجەی هەرێم دەكەین"، هاوکات لەسەر ئەو پشێوییانەی بەهۆی کردنەوەی بارەگای پارتی دیموکراتی کوردستان لە کەرکوک دروستکرا رایگەیاند:" ئەوانەی لەکەرکوک هاووڵاتیانیان شەهید و بریندار کرد رووبەڕوی یاسا دەکرێنەوە".

محەمەد شیاع سودانی سەرۆك وەزیرانی عیراق لە لێدوانێکیدا بۆ کوردسات نیوز وتی:" لەبارەی بەشە بودجەی هەرێم زمانی ژمارە لەئارادایە، هەروەها سورین لەسەر پابەندبون بە یاسای بودجە".

راشیگەیاند:" لەسەر بنەمای یاسای بودجە مامەڵە لەگەڵ بەشە بودجەی هەرێم دەكەین، هاوکات چاوەڕوانی ئەنجامی بانگهێشتکردنی وەزیرانی دارایی عیراق و هەرێم دەکەین بۆ لیژنەی دارایی و ئەنجومەنی نوێنەران بۆ چارەسەرکردنی کێشەکان".

سەبارەت بەدۆخی کەرکوک و پشێوییەکانی چەند رۆژی رابردوو لە ناوچەکە سودانی ئاماژەی بەوەکرد:" پێویستە رەوشی کەرکوک بەدوور بگیرێت لەهەر ناکۆکی و ململانێیەک، ئەوانەشی لەکەرکوک هاووڵاتیانیان شەهید و بریندار کرد رووبەڕوی یاسا دەکرێنەوە".

PUKMEDIA