لەپەرلەمانەوە داوای ئاشکراکردنی رووداوەکانی کەرکوک دەکرێت

PUKMEDIA

خۆپیشانده‌رانی كورد له‌ كه‌ركوك

سه‌رۆكی ئه‌نجومه‌نی نوێنه‌رانی عیراق له‌سه‌ر داوای ئه‌ندامێكی فراكسیۆنی یه‌كێتی لیژنه‌یه‌ك بۆ ده‌رخستنی ڕ‌استی رووداوه‌كانی كه‌ركوك و ئه‌شكه‌نجه‌دانی خۆپیشانده‌رانی كورد پێكهێنا.

دیلان غه‌فور ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتی له‌سه‌ر پشكی كه‌ركوك به‌ سایتی رەسمی یەکێتیی نیشتمانیی کوردستان PUKMEDIA رایگه‌یاند:" له‌ كۆبوونه‌وه‌ی ئه‌مڕ‌ۆی په‌رله‌ماندا داوای پێكھێنانی لیژنه‌ی ده‌رخستنی ڕ‌استییه‌كانم كرد، له‌سه‌ر ئه‌شكه‌نجه‌دانی خۆپیشانده‌رانی كورد له‌ كه‌ركوك و سه‌رۆكی په‌رله‌مان داواكه‌می په‌سه‌ند كردو بڕ‌یاریدا به‌ پێكھێنانی لیژنه‌یه‌ك له‌و باره‌یه‌وه‌".

"به‌دواداچوون و چاودێریمان بۆ دۆخی كه‌ركوك و ڕ‌ووداوه‌ نه‌خوازراوه‌كان به‌رده‌وام ده‌بێت و سوورین له‌سه‌ر سزادانی ته‌قه‌كه‌ران و ئه‌وانه‌ی مافی ھاووڵاتییانی كوردو خۆپیشانده‌رانیان پێشێلكرد، ھه‌روه‌ك به‌ڵێنمانداوه‌و ئه‌ركمانه‌ بێده‌نگ نابین به‌رامبه‌ر ئه‌و توندوتیژی و پێشێلكارییانه‌ی به‌رامبه‌ر خۆپیشانده‌رانی كورد ئه‌نجامدران و شه‌ھیدو برینداری لێكه‌وته‌وه‌" دیلان غەفور وای وت.

PUKMEDIA